Obutaikirizana ahi Omuramuzi Amoko araziikwe, enshonga zihikire omu kooti.

N'ebya Michael Odeng na Farooq Kasule

Haabarukireho obutaikirizana ahi obaire ari Omuramuzi wa Kooti enkira zoona, Stella Arach Amoko ashemereire kuziikwa.

Abazaire na Amoko hamwe n'abaana batungire obutaikirizana n'orubaju orw'omushaija we ahi bashemerire kuziikwa Omuramuzi Amoko.

Abanyabuzaare b'omugyenzi hamwe n'abaana nibagira ngu Omuramuzi Amoko akasiga yaaraama ngu nayenda aziikwe omu maka ge agarikushangwa omuri Jukia Hill ward omu kyaro kya Juba omu disiturikiti eya Nebbi.

Beitu omushaija we, Ambasada James Idule Amoko, nayenda omukazi we aziikwe omu disiturikiti eya Adjumani.

Aharwakana, abanyabuzaare ba Stella Amoko n'abaana baataabarize omushaija we, James Idule na gavumenti kurabira omu mutonganirizi wa gavumenti, Kiryowa Kiwanuka, omu kooti enkuru ey'enshonga z'amaka omuri Kampala.

Aba barimu; Christine Onyok (murumuna w'omugyenzi), Godfrey Picho (munyanya) hamwe n'abaana b'omugyenzi Annette Yossa, Jackie Amony na Emmanuel Komakech.

Aba nibenda kooti ezibire Idule n'abakozi ba gavumenti hamwe naba agenti obutaakiira, bakatwara hamwe n'okuziika omutumbi gw'omugyenzi Stella Amoko omuri Adjumani.

Bakitabaaza nabwo nibenda kooti ebikiriize baziike omutumbi gwa nyinabo omu famire ei arikuzaarwamu nainga omu mwanya ogubarikuzikamu abantu baabo omu disiturikiti eya Nebbi.

Omuramuzi wa Kooti enkuru Ketrah Kitariisibwa Katunguka ahuriire okushaba oku ah'izooba niryo rimwe erikuhirweyo aharwakana.

Stella Amoko owayegaitsire aha kitongore ky'oburamuzi omu mwaka gwa 1997 nk'omuramuzi wa kooti enkuru afiire aharwamukaaga orwa wiiki ehwaire ah'irwariro erya Nakasero omuri Kampala.

Stella Amoko, 69, naagambwa kuba aitsirwe endwara y'ekookoro.

Bwanyima y'okutwara omushango omu kooti, ekitongore ky'oburamuzi kyongiizeyo ekiro eky'okuziikiraho omugyenzi Stella Amoko.

 #WestUpdates