Mutaza omu bikorwa by’okushoroora abarwaire - Bishop Sheldon Mwesigwa

N’ebya Ssengendo Abdulkarim
Abashaho ah’irwariro rya Mbarara Regional Referral Hospital n’agandi amarwariro bashabirwe kukozesa gye obukugu obu baashomire kuheereza abarwaire boona hatarimu kushoroora, agumize ngu eki nikiza kubahwera kutunguuka kuruga omu idaara bakaza omu rindi.

Bishop Mwesigwa ahaireyo okuhabura oku eizooba rya nyomwabazyo obu abaire ari omu rutaayaayo rwe (Pastoral Visit) ah’irwariro eri.

Biishopu agizire ngu okukwata gye abarwaire n’ekintu kikuru eki buri muntu aine kutamu amani.
Eizooba niryo rimwe eri Bishop Sheldon ateireho abakurisitaayo emikono.

Bishop Sheldon ayongyeire yaashaba abashaho kuta amaani omu kushomesa abantu oku baakubaasa kwerinda endwara kandi yashaba na gavumenti kuta sente omu nkora egi.

Mukuru w’eirwariro eri Dr. Deus Twesigye ashabire Bishop Mwesigwa kubateerayo akarimi kushaba gavumenti kukuza eirwariro eri rikaza ah’idaara rya National Referral Hospital.

Mbarara Hospital hati neeha obuheereza abantu barikuhika miriyooni 5.6

Bo abashaho abarikurira eby’ediini ah’irwariro bashabire kuheebwa obuhwei nk’okubaha omwanya gw’okwombekaho ah’okuramiza.

#WestUpdates