Murekye kwikiririza omu kiragiro kya Moses- Purezidenti Museveni.

N’ebya Omushaki weitu

KIBULI

Purezidenti Yoweri Kaguta Museveni yagambira abaramuzi ngu tikihikire kumara agaikiriza abasibe kwemererwa.

Yagamba ebi eriizooba aha kiro kya kabiri ky’oruteerane rw’abakuru kuruga omu kitongore ky’okucondooza aha mishango ekya CID n’ab’omu ofiisi ya Mukuru w’abahababi ba gavumenti.

Oruteerane oru ruri aha kitebe kikuru kya CID omuri Kibuli, Kampala.

Museveni yagira ngu abairaguju nibakikiririza omu kiragiro kya Moses ( Law of Moses) ekirikugira ngu omuntu yakora ekibi nawe ashemereire kuheebwa ekifubiro nikyo kimwe nk’ekibi eki arikuba akozire.

Abantu 620 abarimu abacondooza, abahababi ba gavumenti n’abarikukwatwaho bakuru nibo betabire omu ruteerane oru kuganiira n’okutaho empenda y’oku baine kukora gye aha manja omu eihanga.

#WestUpdates