Okucondooza ogwa Kiteezi; Pooriisi yakwata abakuru omu KCCA ababingiirwe

N’ebya Omushaki Waitu

Kampala:

Pooriisi yakwata abakuru omu KCCA abaheerize kubingwa ahabw’esnhonga y’ekigwererezi kya kasasiro ya Kiteezi kuterebuka omu disiturikiti ya Wakiso.

Obaire ari mukuru wa KCCA, Dorothy Kisaka, omuhwezi we, Eng. David Luyimbazi hamwe n’obaire nakurira eby’amagara, Dr. Daniel Okello bakwatwa bwanyima y’okubuzibwa kana-nakatano aha CID omuri Kibuli, Kampala eriizooba.

Kisaka yareebwa arikuvugwa omumotoka ya pooriisi nikwo kutwarwa aha pooriisi eya Kira division kandi Luyimbazi na Okello batwarwa aha pooriisi eya Nateete bwanyima y’okubuzibwa ahanshonga y’obutafayo ahabwa kasasiro egi n’okukoresa kubi ofiisi.

Ekiina kya kasasiro egi ekirikuhika hiika 36 ekirikukorera omuri Kampala, Wakiso n’ebicweka ebimwe omuri Mukono kikaterebuka nikwo kushweka amaju g’abantu kandi abantu 35 bakaafa, abandi bahutara ahabiro 10/8/2024.

Ahabw’ekigwerezi eki, niyo enshonga eyarugiriireho abashatu aba nibabingwa Purezidenti Yoweri Museveni.

Purezidenti Museveni akababinga ahabwa riipota y’okucondooza okwakozire Kariisho-riisho wa Gavumenti eyabaire neyoreka obutafayo bw’abakuru omu KCCA ahabw’enshonga ya kasasiro ya Kiteezi.

#WestUpdates