Ishengyero ryayeta Minisita w’eby’entambura ahaby’orutindo rwa Katonga

Ishengyero ryayeta Minisita w’eby’entambura ahaby’orutindo rwa Katonga

N’ebya Henry Sekanjako 

Ishengyero ryayeta Minisita w’eby’entambura, Gen. Katumba Wamala kushoboorora aha muringo gw’enguuto omu eihanga bwanyima y’orutindo rwa Katonga kutimbuka ahanguuto nyeigyendwa orwa Kampala – Masaka.

Orubaju rw’orutindo rukatimburwa emyegyemure eyaretsirweho omwijurirano gw’omugyera gwa Katonga.

Ekitongore ky’eby’enguuto ekya UNRA hamwe na pooriisi bakakingaho enguuto egi bashaba abantu kukoresa emihanda endiijo bwanyima y’amaizi kwijurirana omu nguuto egi.

Aha Sunday, UNRA ekahamya ngu omurimo gw’okukora enguuto egi gutandikire.

Eriizooba, Sipiika w’eishengyero, Anita Among yaagira ngu embeera ni mbi agumize ngu abantu tibakitambura ahabw’enjuura kutimbura enguuto omubyanga ebingi.

“Nyomwabazyo omuhwezi wangye, Thomas Tayebwa agiire Bushenyi kwonka akoreise orugyendo ruraingwa, embeera ni mbi munonga,” Sipiika Among arikwetomboita.

Abany’eishengyero nibashaba gavumenti kukora ahanguuto n’entindo ezisiisirwe enjura y’amaani ebaire negwa omu eihanga.

Aba nibagira ngu okusiisikara kw’entindo tikuteganise eby’entambura kwonka beitu n’eby’emishuuburo y’ahamuhanda bicumbagire omu eihanga.

UNRA erikurabira aha Twitter eriizooba yakyoreka ngu engyendo eza Masaka kuraabira aharwa Mpigi-Kanoni-Ssembabule-Villamaria-Masaka nizigyenda omu maisho obwo barikuhakanisa engambo ngu enguuto egi esiisikaire.

#WestUpdates