Biishopu Odongo yayemekwa kukurira ekanisa z’abarokore omu Uganda.
Biishopu Odongo akatooranwa nka mukuru w’ekigombe ekya NFBPC owa kana ahabiro 16/03/2023 kandi naija kukora omurimo ogu kumara emyaka 5.
Biishopu Odongo akatooranwa nka mukuru w’ekigombe ekya NFBPC owa kana ahabiro 16/03/2023 kandi naija kukora omurimo ogu kumara emyaka 5. Photos by Mpalanyi Ssentongo.
N’ebya Henry Sekanjako
KOLOLO
Biishopu Dr. Moses Odongo yayemekwa nka mukuru w’ekigombe ky’ab’enyikiriza z’abarokore omu Uganda ekya National Faith for Born Again Pentecostal Churches in Uganda (NFBPC).
Biishopu Moses Odongo yayemekwa nka mukuru w’ekigombe ekya NFBPC aha kishaayi Kololo, Kampala aharwakabiri. Photo by Mpalanyi Ssentongo.
Omukoro gw’okwemeka Dr. Odongo gwabaho eriizooba Orwakabiri aha kishaayi kya Kololo omuri Kampala. Biishopu Odongo yaaza omu bigyere bya Biishopu Joshua Lwere, otwire naakurira ekigombe eki ekya NFBPC.
Biishop Moses Odongo oyemekirwe nka Mukuru w'ekigombe ky'ekanisa z'abarokore omu Uganda arikuza omubigyere bya Biishopu Lwere.
Omu butumwa bwe arikuhayo ofiisi, Biishopu Lwere yagamba ahari Odongo nk’omuheereza wa Ruhanga orikwija kukora gye omurimo gw’okwebembera ekanisa z’abarokore omu Uganda.
"Emyaka 13 ehingwire, Odongo ei akozire abaire ari omuheereza wa Ruhanga. Abaheereza ba Mukama abari abeesingwa nibo barikuhinduka abeebembezi," Biishopu Lwere arikushoboorora.
Biishopu Dr. Moses Odongo arikwemekwa nka mukuru w'ekigombe ky'ekanisa z'abarokore omu Uganda aharwakabiri, omu kishaayi Kololo, Kampala.
Biishopu Odongo akatooranwa nka mukuru w’ekigombe ekya NFBPC owa kana ahabiro 16/03/2023 kandi naija kukora omurimo ogu kumara emyaka 5.
Omukoro gw’okumwemeka gwahikwaho Purezidenti Yoweri Museveni hamwe n’omukazi we, Janet Museveni, n’abandi ba memba abarimu omuhwezi wa Biishopu John Kabuye Kaggwa, hamwe n’omuhandiiki mukuru, Dr. African Magyezi.
Purezidenti Yoweri Museveni n'omukazi we, Janet Museveni aha mukoro gw'okwemeka Biishopu Dr. Moses Odongo nka mukuru w'ekigombe ky'ekanisa z'abarokore aha kishaayi Kololo, Kampala Orwakabiri ebiro 26/09/2023.
Abandi barimu; Pr.Olive Janet Gidudu, omubiiki w’ekigombe eki, Biishopu Richard Mason go, omugambirizi w’ekigombe eki n’abandi baingi.
Okurugiirira aha kuteebereza, abanya-Uganda barikuhika miriyooni 9 nibo bari omunyikiriza y’abarokore omu Uganda.
#WestUpdates