Omushomesa wa UCU yaagwa omuri butandu eyaba ahari Nkumba.
Omukazi we, Faith Irene Kwagala- ori omuramuzi w’eidaara ry’okubanza aha kooti ya Kyenjojo nawe yahamya amakuru g’okufa kw’omushaija we kandi yagira ngu eby’okuziika nibeija kubimanyisa abantu bwanyima.
Beitu hoona, ekimotoka ekihango kyahika kyaremererwa nikwo kugwera emotoka ya Okiot.. Courtesy: New Vision.
N’ebya Charles Etukuri
ENTEBBE- Raphael Okiot, omunyabiragiro, obaire nashomesa ah’eitendekyero erya Uganda Christian University yafeera omuri butandu eyabaho omu kasheeshe k’eriizooba aharuguuto orwa Entebbe.
Okot, owaaba naaza omu kooti eriizooba Orwakashatu ebiro 17/04/2024 yaafa bwanyima y’ekimotoka ky'enguuto ekirikutabura ekongote eky’ekitongore kya Seyani Company Limited kuremererwa aha bitaara by’ahanguuto ahari Nkumba etyo ekekunamura, ekatomera emotoka ye.
Emotoka zoona zaaba niziza ogwa Entebbe obwire obu Okiot yafeeraho.
Omukazi we, Faith Irene Kwagala- ori omuramuzi w’eidaara ry’okubanza aha kooti ya Kyenjojo nawe yahamya amakuru g’okufa kw’omushaija we kandi yagira ngu eby’okuziika nibeija kubimanyisa abantu bwanyima.
Akatambi akakwatwa kamera za Pooriisi ez’ahanguuto nikoreka omuvugi w’ekimotoka ky'enguuto ekirikutabura ekoogote ekihandiikirwe omu namba ya UAN 836D arikuteeraho kwehara okutomera emotoka ya Okiot ey’ekika kya Mitsubishi eya namba UBQ 371P na bwanyima nikwo kutomera ebyoma by’ahanguuto.
Beitu hoona, ekimotoka ekihango kyahika kyaremererwa nikwo kugwera emotoka ya Okiot.
Ahitwaza kuhandikira amakuru aga, emotoka eya Mitsubishi yaaba erimu omushabaazi omwe wenka owaafa.
Ebirikukiraho nitwija kubibamanyisa.
#WestUpdates