Ab’eby’okwerinda bateguriire bomu ebaire etegirwe omu makanisa- Butambala.
Omu kasheeshe k’orwamukaaga, Purezidenti Musevenu ashabire abantu b’omu kyanga ekya Rwenzori okuza aha buzoora maisho kandi baheyo omu b’obushoborozi omuntu weena ou batarikukyenga omu kicweka kyabo.
Purezidenti Yoweri Museveni
N’ebya Charles Etukuri
BUTAMBALA
Ab’eby’okwerinda aha Sande ebiro 15/10/2023, bateguriire za bomu 2 ezibaire zitegirwe abahekyera ba ADF omu makanisa omuri Kibibi omu disiturikiti eya Butambala.
Arikurabira aha mukura gwe gwa X aha Sande, Purezidenti Yoweri Museveni akyorekire ngu za bomu ezi nizigambwa kuba zireebirwe abantu abaire bari aha buzoora maisho abamanyiise Pooriisi ekaija ekazihaho.
Naagira ngu Pooriisi eriyo nekora ekirikubasika kumanya abantu abategireho za bomu ezi.
"Nitwija kubakwata oba baza Congo, Uganda, South Africa, nainga omu mwanya gwona, “ Museveni arikwongyera kushoborora.
Ashabire ba Wanainchi okuza aha buzoora maisho. Muheyo abantu boona abumutarikukyenga omu byanga byanyu. "Mutaikiriza ebirabo byona kuruga aha bantu abu mutarikumanya. Omuri Kibibi, ababurizi b’engiri basindikiirwe ebyoma ebya public address systems ebyine akakwate na bomu, Beitu hoona, ba Wanainchi bakwatsirweho nikwo kuhayo enshonga egi. Enteekateeka z’abainazi ziremesiibwe, ninyenda kusiima buri omwe,” Museveni arikushoborora.
Omu kasheeshe k’orwamukaaga, Purezidenti Musevenu ashabire abantu b’omu kyanga ekya Rwenzori okuza aha buzoora maisho kandi baheyo omu b’obushoborozi omuntu weena ou batarikukyenga omu kicweka kyabo.
Okushaba kwa Purezidenti kwizireho bwanyima y’amahe g’amakwatane aga Uganda na DRC kutaahiriira enkambi z’abahekyera ba ADF aharwamukaaga, ekireteire abahekyera okutaatanisibwa.
#WestUpdates