Abasiramu bashabirwe kwongyera kuhamya 'niya' zaabo - Mbarara City
Abasiraamu bashabwa kukozesa omugisha gw’ebiro bikye ebyasigarayo ekisiibo kuhwa kweza emitima yaabo kurabira omu kukora ebintu ebi Ruhanga arikwenda baaba nibenda kuganyirwa omu kisiibo eki.
Bamwe omubasiraamu ababeire bari omukushaba Juma aha muzigiti gwa Rwobuyenje omuri Mbarara Citynyomwebazyo 13.03.2026. PHOTO: ABDULKARIM SSENGENDO
Ekisiibo kya Ramadan ky’omwaka ogu kikatandika ebiro 18.02.2026 kandi nikiza kuhwa esabiiti erikwiija obu abasiraamu omunsi yoona baraasaarire Eid al-Fitr
Okushaba oku kuhairweyo Sheikh Mujahid Yakubu obu abaire nagambira enkuyanja y’abasiraamu abejumbire omu kusaara Juma aha muzigiti gwa Rwobuyenje omuri Mbarara City
Sheikh Yakubu hoona ashabbire abasiraamu ngu ekisiibo n'obu kiraabe kyahweire emicwe eyi baine bashemereire kuguma nayo agumize ngu Ruhanga nayenda ebikorwa Birungi omu maisho gye
Abasiraamu-kazi abahikire ahakushaba Juma aha muzigiti gwa Rwobuyenje omuri Mbarara City nyomwebazyo ebiro 13.03.2026. PHOTO: SSENGENDO ABDULKARIM
Aha kushaba nikwo kumwe abasiraamu b’omuzigiti ogu bateireho obuhwezi kuhwera abantu abatarikwebaasa abarimu embohe eziri omu bihome omu myanya etari emwe n'emwe
Ahakushaba Juma aha muzigiti gwa Rwobuyenje omuri Mbarara City, abasiraamu bateireho obuhwezi bw'okushagika abatarikwebaasa nk'embohe n'abandi. PHOTO: ABDULKARIM SSENGENDO
Bo abakyaara nabo bbeehanangiriziibwe kwejumba omu kuhayo ahari Ruhanga n’okutereeza amaka gaabo okurimu okwegyesa abaana baabo kukunda ediini n’okushaba
#WestUpdates