Ssenga ; Ebika bya mazzi ebitalina kubula mu kisenge kya bafumbo
OMUKAZI omuyonjo alina okuba n’amazzi era nga ne mu kisenge gye gali
Ssenga ; Ebika bya mazzi ebitalina kubula mu kisenge kya bafumbo
By Musasi Bukedde
Journalists @New Vision
OMUKAZI omuyonjo alina okuba n’amazzi era nga ne mu kisenge gye gali. Ate ensangi zino, ebintu bya mulembe anti abazimba ennyumba, bassaamu buli kimu munda nga ne mu bisenge, amazzi bagasika ne gatuuka.
Abatalina bisenge nkola zino, kibakakatako okugessizaayo kuba makulu nnyo mu kisenge ky’abafumbo. Angella Nakitto, abangula abafumbo e Kasangati agamba nti omukyala alina okussa amazzi ag’ebika eby’enjawulo mu kisenge kye omuli agabuguma n’agannyogoga.
Agannyogoga malungi kuba:
- Malungi, abafumbo okuganaab nga beetegekera akazannyo.
- Kyokka era omukyala, gaalina okukozesa okuyonja ekisenge kye ne kisikiriza okukibeeramu.
- N’omukazi gaalina okunaaba nga bamazeemu akagoba.
Amazzi agabuguma:
- Gaba ga kulongoosa mwami nga mumazeemu akagoba kuba ate yeagonnyogoga gaba tegamukolera. Gabakanga emisuwa olwo abadde ow’okutambula olugendo olulala omubiri ne gwekuba. Kino kitegeeza nti abatalina byuma bibugumya mazzi mu bisenge byabwe, beetaaga okubeera ne fulasika okukuuma amazzi gano nga gabuguma nti ekiseera ky’okulongoosa omusajja bwe kituuka, osobola okugatabula n’omuyisaako.