Abakola ku by’ebyensimbi n’ebiwandiiko mu Vision Group babanguddwa

ABAKOZI ba kkampuni ya Vision Group abakola ku by’ensimbi n’ebiwandiiko (Internal Auditors) be bamu ku baatuuse ku bukugu mu mulimu guno ku mutendera gw’ensi yonna. Peace Kabatangare, akulira abali mu mulimu guno mu kkampuni ya Vision Group etwala ne Bukedde yabadde omu ku Bannayuganda 32 abaayise ebigezo ku mutendera gw’ensi yonna nga aba Certifi ed Internal Auditors (CIA) okuva mu ttendekero lya Global Institute of Internal Auditors mu Florida America. Gervase Ndyanabo omumyuka w’akulira kkampuni ya Vision Group nga ye yali pulezidenti w’ekibiina ekigatta abalondoola ebyensimbi n’ebiwandiiko mu ggwanga ekya, ‘Institute of Internal Auditors -Uganda (IIA)’ yasiimiddwa olw’obuwabuzi eri bammemba naddala abapya.
Ate Moses Kasakya pulezidenti w’ekibiina kino omuggya, ku mukolo ogw’okusiima abantu bano ogwabadde mu Skyz Hotel e Naggulu mu Kampala, yagambye nti abakebezi b’ebitabo (Internal Auditors) mu ggwanga basukka mu 1,000 wabula abaakakasibwa ku mutendera gw’ensi yonna bali 147 bokka n’alaga obwetaavu bw’okwongera okukuguka. Polof. Moses Muhwezi akulira Makerere University Business School (MUBS) omuggya yasabye abali mu mulimu guno okwongera okubangulwa n’okumanya ebintu
ebiriwo mu ggwanga ne mu nsi yonna wadde tebakwata butereev ku mulimu guno.