Abayimba kadongokamu e Mukono balonze olukiiko olupya
Apr 28, 2021
ABAYIMBI b’ennyimba za kadonokamu mu disitulikiti y’e Mukono bakyusizza obukulembeze bw’ekibiina ekibagatta ki Mukono Kadongokamu Music theatre Association.
Abayimba kadongokamu e Mukono balonze olukiiko olupya
Nadduli Moses y’alidde Obwassentebe nga adda mu bigere bya Sam Ssemugenyi akulembedde ekibiina kino okuva lwe kyatandika kati emyaka 15 egiyise.
Abalala abaalondeddwa ye Lawrence Kakooza amanyiddwa nga Mercy Crow eyayimba Omuzimu gwa Nankya nga y’amyuka ssentebe, Nampeera Rovinsa wa bakyala, Tony Mugalu wa Mawulire, Zziwa Stephen Muwandiisi n’abalala.
Abayimbi boogedde ebibaluma nga n’ekya pulezidenti Museveni okubakuumira ku muggalo omwaka mulamba mwokitwalidde.
Nadduli yeyamye okusitula Kadongokamu mu Mukono n’eggwanga lyonna okumuzza ku ddaala abagenzi omuli Paul Kafeero, Herman Basudde n’abalala we baamuleka.
Yakiise ensingo olw’abayimbi abeefuula abasakira bannabwe kyokka ne bye basase ne batabituuka ne bekkusa bokka.
Ate ye Lawrence Kakooza (Mercy Crow) akuutidde abayimba kadongokamu okubeera abayiya n’obutefeebya wabula bakole ebyo ebibakuumira ku mulembe.
Oluvannyuma abaalondeddwa baakwasiddwa ebitabo bya ofiisi.
No Comment