SemKDee azze ne pulaani y'okuyamba abayimbi abato

Bya Emmanuel Ssebanenya

OMUYIMBI Yusufu Ssemakadde eyeeyita SemKDee, omusuubuzi era nnannyini kifo ekimu ekisanyukirwamu e Kyebando atandise okukwata ku bayimbi abato okulaba nga bakulaakulanya ebitone byabwe n’okubifunamu.

Semkedde ye yayimba ennyimba nga ‘’Duka duka, Tokolagane, Mata buta, Africa ne Ye ggwe’’.

Ekyombo Bibian Shine

Omuyimbi Bibian Shine naye ali naye.

Akung’aanyizza abayimbi abato abalina ennyimba ennungi kyokka nga tebamanyikiddwa nga n’ezimu tezinnaba kufuna mukisa kukubibwa ku leediyo ne ttivvi olw’embeera y’ebyenfuna n’abategekera ekivvulu  ‘’Eky’ombo ky’omuziki’’ ku Ssenga K’S Dinner e Kyebando ku Iddi.

Semkedde yagambye nti alina abayimbi nga Chris Ssennabulya eyali ayimba ne Nabbi Omukazi eyayimba Ssi y’enkomerero, Suga Flo ayimba Abababironi, Emmy Grace ayimba – Kibaluma, Veve Maani eyayimba ‘Omwana wa mesaaya’, Wonder Lady ng’ono mwannyina wa Kabuye Ssembogga ayimba ‘Empisa z’obufumbo’ , Bibian Shine ne City K Rose.

Ekyombo African Bambata

Ono African Bambata naye amuleese.

Oluvannyuma bagenda kutambula mu bifo eby’enjawulo nga batandikira ku Brend Garden’s e Bwaise okulaba nga buli muntu afunayo ejjamba okumuyambako okukulaakulanya ekitone kye.