King Saha attunka na 'honalebo' lwa mukazi!
Agatambula galaga nti omuyimbi ono aliko muwala w’omunene omu mu ggwanga gw’aganza ng’era yamuzaalamu n’abaana
King Saha attunka na 'honalebo' lwa mukazi!
By Musa Ssemwanga
Journalists @New Vision
BINO by’akatambi k’amaloboozi akatambula ku mikutu gya yintanenti nga King Saha aliko omukazi gw’akaayanira n’omusajja gw’ayita ‘honalebo’ olw’okuganza mukazi we.
Omanyi King Saha, abawagizi be tabalagangako ku mukyala wadde ng’ebbanga lyonna babadde bayaayaana okumumanya.
Agatambula galaga nti omuyimbi ono aliko muwala w’omunene omu mu ggwanga gw’aganza ng’era yamuzaalamu n’abaana kyokka ng’ababitambuza, erinnya ly’omuwala n’ensibuko tebabyogera.
Kati mu katambi kano ak’eddoboozi akaasaasaanye ku mitimbagano kawulikika nga King Saha aliko omuntu gw’ayombesa okuganza mukazi we.
Mu katambi kano, omusajja amuyita ‘honalebo’ era amulumiriza okuweereza abakazi ab’enjawulo abali ku yintanenti obubaka ng’abayita bbebi. King Saha era awera nga bw’agenda okuyigiriza ‘honalebo’ essomo ly’atagenda kwerabira.