Banoonya bitone mu bavuzi ba bodaboda
ABAKULEMBEZE ba boda boda mu Uganda, bakwataganye n’abakugu mu nsonga z’endongo, okutumbula ebitone by’abayimbi abavuzi ba bodaboda.
Banoonya bitone mu bavuzi ba bodaboda
By Musa Ssemwanga
Journalists @New Vision
ABAKULEMBEZE ba boda boda mu Uganda, bakwataganye n’abakugu mu nsonga z’endongo, okutumbula ebitone by’abayimbi abavuzi ba boda boda.
Enteekateeka zino baazitongolezza Kansanga ku mukolo ogwabaddeko bapulodyusa ng’empaka baazituumye Bodaboda Festival.
Abanaasinga, baakuwangula obukadde 250 n’okubakwatira ennyimba zaabwe mu sityudiyo ez’omulembe n’ebirabo ebirala.
Bapulodyusa bakoze tyuni aba boda boda mwe bagenda okwoleseza obusobozi bwabwe nga batuuzaamu amaloboozi gaabwe nga bayimba.
Omuvuzi abeera ne ‘apu’ ya bodaboda eya Union App okuva ku ‘plays store’ n’ogenda ku Bodaboda Festival.Com, n’okwata vidiyo nga bw’oyimba bw’omala n’assa ku mutimbagano olwo bapulodyusa okuli Benon owa Swangaz, Bawa, Washington n’abalala basunsule.
Franka Mawejje ssentebe w’abavuzi ba bodaboda mu Uganda yonna, yagambye nti bakoze ebintu bino okuli App ya Union n’okussaawo ebintu ebirala ng’empaka z’okuyimba okwesitula ng’abavuzi ba bodaboda.