''Munnyikize empisa mu baana be musomesa''
Omwami wa Kabaka atwala eggombolola y’e Nsangi, Mathias Kutanwa asabye abaddukanya amasomero okussa essira ku nsonga y’empisa mu bayizi n’okubasomesa ebikwata ku Bwakabaka bwabwe kibayambe okuba ab’omugaso mu biseera by’omu maaso.
''Munnyikize empisa mu baana be musomesa''
Kutanwa okwongera bino abadde Nsangi mu Kyengera Town Council mw’alambulidde amasomero ag’enjawulo mu kaweefube gw’aliko ow’okulaba ng’ebyenjigiriza mu kitundu kino birinnyisibwa ku mutindo ogwa waggulu.
Kutanwa ategeezezza nti ensonga y’empisa mu baana nkulu nnyo era omwana ne bw’asoma nga talina mpisa ensi emukaluubirira nnyo bw’atyo n’asaba abakulu b’amasomero okulowooza ku nsonga y’ebyoto ne nkoba zambogo mu masomero kisobozese abaana be basomesa okuba n’ensa.
Emmanuel Nalumanya, omukulu w’essomero lya Nsangi Secondary School asiimye Saabagabo olw’omulimu guno ogw’okulambula amasomero kyokka n’asaba gavumenti okubayamba bbo ng’abaddukanya amasomero ga gavumenti n’abikozesebwa omuli entebe n’ebirala.
Steven Magala,omu ku batongole ba Kabaka mu kitundu asabye abazadde okukwatagana n’abakulira amasomero ku nsonga y’ebisale abaana baabwe basobole okusoma.
Agamu ku masomero Ssaabagabo g’alambudde kuliko: Nsangi Secondary, His Grace Primary School, St.Catherine primary school, Elyon secondary school n’amalala.