Nkuba kyeyo eyafiira mu ddungu omulambo gwe gukomezeddwawo oluvannyuma lw'emyezi ebiri

OMULAMBO gw’omuwala munnayuganda abaddde amaze emyezi ebiri ng’a fiiridde ku kyeyo mu Buwalabu gukomezeddwawo.

Fatinah Namutebi 36 okugenda ku kyeyo yava mu maka ga bba e Namavundu ku luguudo lwe Gayaza kyokka ebyembi yafiiridde ku kyeyo nga yakamala emyezi etaano gyokka.

Namutebi mu Buwalabu yagendayo nga December w'omuwaka oguwedde nga 25 era nga yatwalibwa nga yaaya abakkampuni ya Alkareb Ltd esangibwa e Mengo okumpi ne ddwaaliro.

 Ekyatta Namutebi kikyatankanibwa ng’abantu be bagamba nti yaweebwa butwa kyokka abalala nti  yadduka mu ddungu ng’ekubo ne limubula  n'afiirayo.

Ku Lwokutaano omulambo gwe gwaleeteddwa  okuva e Saudi Arabia gyabadde amaze emyezi ebiri nga yafa era  olw'okusika omuguwa wakati wa bafamire naba kkampuni ya Alkareb Ltd basazeewo  omulambo okuguleeta eMulago  abasawo bagwekebejje.

Abafamire nga baweebwa omulambo gwabwe

 Mu kwekebejja omulambo abafamire basabiddwa belondeko  abantu babiri basobole okukakasa ekituufu ng’abasawo bagenda mu maaso n'okwekebejja omulambo guno.

Kyokka batuuse kumaliriza nga tebazuudde kituufu era ne basuubiza abafamire  basooke bagenda baziike olwo bakomewo okukima  ebbaluwa ekakasa  ekyasse omuntu waabwe oluvannyuma lwokubaako ebisigalira  byebagye ku mulambo  bye bagenda okwongera okwekebejja.

Abafamire babadde bakalambidde obutatwala mulambo nga bagamba nti omuntu abakkampuni gwebakomezaawo nti si waabwe oluvannyuma lwokulaba omulambo embeera mwegwabadde kyokka bwebatuuse eMulago nebasabibwa okuddamu okugwekenenya bagenze buterevu nebasaba abasawo okumubikula akamwa nebazuula akazigo saako nokukebera amannyo abiri ge bagamba nti omugenze yaali yagakuulamu.

Cosmas Tahebwa owa kkampuni ya ‘Alkareb Limited’esangibwa e Mengo omugenzi mweyayitira okugenda yategeezeza nti ekituufu ku kyasse omugenzi tebayinza ku kimanya kyokka nti balinze bbaluwa nga basawo abekebezze omulambo bwe bwebasuubizza n’ategeeza nabo abamwulire gokutulugunyizibwa kw’omugenzi bagategerera ku bafamire kyokka okugakakasa ne babaako bannaabwe e Buwalabu be bakola nabo be baakubira kyokka nti okutuuka mu maka omugenzi gye yaali akola basanga yaddukawo nga tewali amanyi mayitire ge.

Agamba nti nga bagenda mu maaso n'okumunoonya waliwo omulambo ogwazulibwa mu ddungu era nti mu kugwekebejja ne bazuula nga ye Namutebi nga kigambibwa yadduka n'alemererwa okuzuula ekkubo ng’eno gye yafiira.

 Tahebwa agattako nti omulambo okumala ebbanga ely’emyezi ebiri kivudde ku musoso egiyitibwamu okutuusa omulambo kuno gy’agamba nti gitambulira mu mitendera.

omulambo gwazikiddwa Namasumbi ekisangibwa ku luguudo lwe Gayaza okuguziika.omugenzi aleese bamulekwa mukaaga