Aba Future Technologies basiimiddwa

Aba kkampuni ya Future Technologies Ltd, basiimiddwa okubeera abavumbuzi (Innovators) mu bya tekinologiya abalidde empanga ab’omwaka 2025,  mu mpaka za Visionaries Awards 2025  ez’olmulundi gw’e 13.
Empaka zino zaateekebwawo okusiima abantu ssekinnoomu, ebitongole n’amakampuni abakoledde ennyo eggwanga Uganda okutuuka ku biruubirirwa byalyo ebya Vision 2040. Ezitegekebwa ekitongole kya National Planning Authority (NPA) wansi wa pulezidenti w’eggwanga, omukolo ogubadde ku woteeri ya Serena mu Kampala.

Minisita Francis Musa Ecweru owookubiri ku ddyo ng'akwasa aba Future tekinologies engule gyebaawangudde, ku kkono ye Minisita w'ensonga ze Karamoja Peter Lokeris

Ebirabo by’abawanguzi bibakwasiddwa omumyuka wa pulezidenti, Maj (Rtd) Jessica Alupo akiikiridde pulezidenti Museveni nasiima amakampuni n’abantu ab’enjawulo abatadde obuyiiya ku ggwanga mu bintu eby’enjawulo omuli; tekinologiya, Ebyenjigiriza, eby’obulamu, eby’obulimi,  amakolero, n’ebiralala. Wamu ne ba minisita okubadde minisita omubeezi oweby’emirimu n’enguudo  Francis Musa Ecweru, minisita w’ensonga z’e Karamoja Peter Lokeris Aimat, era omukolo gwetabiddwaako n’omubaka w’eggwanga lya Egypt mu Uganda H.E Monzer Selim atenderezza enkolagana ennungi eri wkaati wa Uganda ne Egypt nasuubiza nti ejja kuvaamu ebibala bingi.
Aba Future Technologies basiimiddwa olw’okutandikawo obukulembeze mu enterprise digital solutions, educational technology ecosystems okwetoloola eggwanga lyonna ne East Africa.

N’okuteekawo ebintu eby’enjawulo ebya tekinologiya  omuli; automation, analytics, and AI-driven platforms okusobozesa okukozesa enkola emu okugatta ebintu byonna mu byenjigiriza n’ebirala n’ebiyamba amatendekero, ebitongole  bya tejkinologiya n’ebitali, amakampuni, banka, ng’ate bikolebwa wano okutumbula eggwanga mu nkola ya  BVuy Uganda,  Build Uganda eyateekebwawo pulezidenti Museveni.

Maneja wa Future Technologies  Hareesh Kumar, (General Manager ) agambye nti basanyuifu nyo okufuna ekirabo kino, n’ategeeza nti bagenda kwongeramu amaanyi mu kuzimba software.
Agam baye kkampuni ezimu zigula ebintu okuva ebweru w’eggwanga, naye bbo baabikolera wano okukulaakulanya eggwanga ne bannansi neyeebaza gavumenti okubasiima n’asuubiza okwongeramu amaanyi okukuuma omutindo omulungi.

omumyuka wa pulezidenti Alupo nabamu ku bawanguzi

Ssentebe w’olukiiko lw’abatandisi ba kkampuni ya Future Technologies Varghese Mundamattam alaze essanyu olw’obuwanguzi buno  n’ategeeza nti,  kibongedde amaanyi okwongera okukola okukulaakulanya eggwanga,  nga bakulembeza okutumbula tekinologiya akolebwa wano okugonjoola ebizibu bya bannayuganda.
  “Obuwanguzi bwetulaba leero  bulaga okwewaayo kwaffe okuwagira ebiruubirirwa by’eggwanga Uganda ebya Vision 2040 era tugenda kwongera okugaziya emikisa eri emigigi emito, okugaziya tekinologiya eri eggwanga,  okuleetawo enkulaakulana ey’omuggundu eri eggwanga” Mundamattam bwagambye.
Minisita Ecweru yebaazizza abawanguzi naabasaba okwongera amaanyi okutwala eggwanga mumaaso