Museveni abugaineho ba memba b’akakiiko aka NRM CEC.
Ekihandiiko nikyoreka ngu Purezidenti n’aba memba ba CEC baganiire aha nshonga ezirikukwata aha kigombe kya NRM.
Museveni abugaineho ba memba b’akakiiko aka NRM CEC aha maka g'obwa Purezidenti, Entebbe. PHOTOs: PPU.
N’ebya Omushaki weitu
Purezidenti Yoweri Museveni, nabwo ori ceeyamaani w’ekigombe kya NRM agizireho orukiiko naba memba b’orukiiko orukuru orw’ekigombe (CEC).
Nyomwebazyo, Orwakana ebiro 11/04/2024, orukiiko oru rubaire aha maka g’obwa Purezidenti, Entebbe okurugiirira aha kihandiiko ekishohoziibwe ekitongore ky’amakuru omu ofiisi ya Purezidenti.
Museveni abugaineho ba memba b’akakiiko aka NRM CEC.
Ekihandiiko nikyoreka ngu Purezidenti n’aba memba ba CEC baganiire aha nshonga ezirikukwata aha kigombe kya NRM.
CEC, nirwo rukiiko orukuru orw’ekigombe kya NRM ekiri omu bwebembezi.
Omuhwezi wa Purezidenti, Maj. (rtd) Jessica Alupo, Siipika wa Paramenti, Anita Among, enganzi y’eihanga, Robinnah Nabbanja hamwe n’omuhwezi wa Siipika, Thomas Tayebwa ni bamwe aha bagyenyi b’omutaano abetabire omu rukiiko ahabw’emirimo yaabo ei barikukora.
Orukiiko oru nirukuratira orundi orwabaireho okwezi okuhwaire aha maka g’obwa Purezidenti, Entebbe.
#WestUpdates