Ba Kansara bayesharinga ahabwa ‘allowance’ zaabo- Sheema.
Ba kansara nibagira ngu karaani wa kanso y’abaheereza empapura z'okushashuriraho ba zitaho omukono kwonka batangaara kureeba ngu baremwa kubashashura
Ba Kansara bayesharinga ahabwa ‘allowance’ zaabo omuri Sheema. Photos by Bruno Mugizi.
N’ebya Bruno Mugizi
SHEEMA
Ba kansara ba disiturikiti ya Sheema eriizooba baayesharinga bwanyima ya disiturikiti kuremwa kubashashura sente zaabo za kanso ‘allowance’.
Ebi byabaho eriizooba aha mbuga nkuru za disiturikiti.
Okwesharinga oku kwabaho bwanyima y’okuheza kukiika omu kanso beitu bakatunga okumanyisibwa kuruga omu ofiisi y'eby’esente eya disiturikiti ku sente zaabo za ‘allowance’ hamwe n’ez’okukiiko zaaba zitariho ekyatabura ba Kansara aba.
Ba kansara nibagira ngu karaani wa kanso y’abaheereza empapura z'okushashuriraho ba zitaho omukono kwonka batangaara kureeba ngu baremwa kubashashura.
Ba Kansara bayesharinga ahabwa ‘allowance’ zaabo omuri Sheema.
Elly Kamanyi. Kansara wa Kabwohe divijoni aha disiturikiti naagira ngu ba kansara abamwe nibaruga omu myanya eya hare kandi baaba betaine sente z’okubagaruza owaabo.
Nelson Karuhanga, Ceeyamaani w'akakiiko k'eby’esente kandi ow'egomborora ya Kasaana yaagira ba kansara baaba nibabanja 230,000 buri omwe.
Patience Ayesiga- Omuhwezi wa Siipika wa disiturikiti eya Sheema yajumirira ekyabaho arikugira ngu kibaasa kugaruza enyima emirimo ya disiturikiti.
Ogu yashaba mukuru w’abakozi omu disiturikiti kuguma aketa enkiiko za kanso haaba hariho ‘allowance’ zaaba ba kansara.
#WestUpdates