Disiturikiti ya Sheema eyanjwire embaririra yaao ey’omwaka gwa 2024/2025.
Embaririra egi eyanjwirwe omu kanso ya disiturikiti omuhandiiki w’eby’esente ahabwa Sheema, Vianney Muhwezi kandi eby’obwegyese n’eby’amagara nibyo bihairwe esente nyingi omu mbaririra egi.
Embaririra egi eyanjwirwe omu kanso ya disiturikiti omuhandiiki w’eby’esente ahabwa Sheema, Vianney Muhwezi. Photos by Bruno Mugizi.
N’ebya Bruno Mugizi
SHEEMA
Kanso ya disiturikiti ya Sheema eyanjwire embaririra yaayo ey’omwaka gw’esente ogurikwija ogwa 2024/2025 ey’okutebeereza eya shiringi biryooni 39 na miriyooni 100 wagigyeragyeranisa n’ey’omwaka gw’eby’esente oguhwaire eya shiringi biriyooni 33 na miriyooni 300.
Embaririra egi eyanjwirwe omu kanso ya disiturikiti omuhandiiki w’eby’esente ahabwa Sheema, Vianney Muhwezi kandi eby’obwegyese n’eby’amagara nibyo bihairwe esente nyingi omu mbaririra egi.
Ba kansara ba disiturikiti ya Sheema abetabire omu kanso ya disiturikiti ahi embaririra ey'omwaka gw'eby'esente ogwa 2024/25 eyanjwirwe.
Ekitongore ky’eby’obwegyese kihairwe shiringi biriyooni 16.7, eby’amagara kihairwe shiringi biriyooni 9.5, eby’enguuto kitungire shiringi biriyooni 2.04, eby’obuhingi n’oburiisa shiringi biriyooni 1.7 n’ebindi.
Vianney naagira ngu purogyekiti za disiturikiti nizeija kutunga obucweka 98 ahari 100 bw’embaririra egi kuruga omu gavumenti eyarwagati landi akacweka 1.5 kuruga omu mushoro ogurarundaanwe reero ebitongore empa buhwezi nibyija kuhayo obucweka 0.5 ahari 100 omu mbaririra y’omwaka gw’eby’esente ogurikwija.
Nakyoreka ngu amaani nibeija kugata aha kutunguura omutindo gw’enguuto, eby’amagara, eby’obwegyese, okuhunduuza amashomero 8 ga Purayimare omu disiturikiti, okuhisya abantu amaizi ga taapu, okwombeka ekitebe kikuru kya disiturikiti ekisya n’ebindi.
Omu kanso egi, ba kansara bamanyiise omuny’ishengyero-kazi wa disiturikiti ya Sheema, Rosemary Nyakikongoro aha bakozi batarikumara omu kitongore ky’eby’amagara ekiteganiise okuhisya abantu obuheereza burungi.
Ba kansara bamanyiise omuny’ishengyero-kazi wa disiturikiti ya Sheema, Rosemary Nyakikongoro aha bakozi batarikumara omu kitongore ky’eby’amagara ekiteganiise okuhisya abantu obuheereza burungi.
Nyakikongoro agambiire kanso ngu hakiriho emihingo aha kuhandiika abakozi abasya omu eihanga ryoona beitu abaraganiise kutwara enshonga egi omu maisho ga Paramenti kugihajanaaho.
#WestUpdates