Uganda Martyrs emezze Lady Doves n'ewaga
UGANDA Martyrs Lubaga efuuse omuteego bwe yakubye Lady Doves 3-2, mupiira ogwanyumidde abawagizi ku kisaawe kya St. Gerald e Lubaga.
Uganda Martyrs emezze Lady Doves n'ewaga
By Ismail Mulangwa
Journalists @New Vision
She Maroons FC 0-1 UCU Lady Cardinals
Kampala Queens FC 1-0 FC Tooro Queens
Uganda Martyrs Lubaga 3-2 Lady Doves FC
Ggoolo za Uganda Martyrs zateebeddwa Elizabeth Nakigozi (2) ne Catherine Nagadya so nga eza Lady Doves zateebeddwa Fazila Ikwaput eyatadde abazibizi mu kaseera akazibu.
Uganda Martyrs yayingidde ensiike eno ng’eyagala buwanguzi bwokka okulaba ng’efunza ku bubonero She Corporate bwe asinga ekintu kye bakoze obulungi ne basanyusa abawagizi.
Obwedda buli kaseera obutimba bwenyeenya ng’abawagizi buboogeza obwama nga bagamba nti ttiimu yaabwe tekubibwa Doves eryanyisa ekyambe olw’omutindo omulungi gwe bayolesezza.
Ku wiikendi oluzannya olw’okubiri we lwaggyiddwako akawuuwo nga She Corporate eremedde ku ntikko ya liigi bwe yazze ku bubonero 24, Uganda Martyrs Lubaga ne Kampala Queens basibaganye ku bubonero 19 nag UCU Lady Cardinals ekwata kyakuna ku bubonero 17.