Madondo yeegasse ku Diamond Trust Bank ey'e Tanzania
ABADDE omuteebi wa Gaddafi FC ezannyira mu liigi ya babinywera eya Startimes Uganda Premier League, Joel Madondo yeegase ku Diamond Trust Bank ezannyira mu kibinja eky’okubiri e Tanzania.
Madondo yeegasse ku Diamond Trust Bank ey'e Tanzania
By Ismail Mulangwa
Journalists @New Vision
Madondo yali yasazaamu endagaano ye ne kiraabu ya Gaddafi mu December w’omwaka oguwedde era abadde takyabazannyira mupiira gwonna.
Yeegasse ku Bannanyuganda abazannyira mu ttiimu eno okuli, Shafik “Bachu” Batambuze n’Omunaghana James Kotei.
Madondo azannyiddeko ttiimu okuli, Busoga United ne Wydad Casablanca ey'e Morocco era asuubirwa okuteeba ggoolo eziwera okusobola okusomosa ttiimu mu liigi ya ssupa e Tanzania.
Bannayuganda abawerako bangi baggweredde Tanzania okuli, Nicholas Wakiro Wadada owa Azam, Jackson Kibirige, Hamis “Diego” Kiiza aba Kagera Sugar ne Brian Muluuli Mayanja eyeegasse ku Mtibwa Sugar.