City Oilers etuuyanira fayinolo okwesogga eza BAL omulundi ogusooka mu byafaayo
OLUVANNYUMA lwa City Oilers okwesogga semi fayinolo mu z’okusunsulamu ttiimu empanguzi ez’obuvanjuba bwa Afrika mu basketball eza 2022 BAL Elite 16 East Division Qualifiers, ekibalo kibasudde ku Cape Town eya South Africa abategesi.
City Oilers etuuyanira fayinolo okwesogga eza BAL omulundi ogusooka mu byafaayo
By Gerald Kikulwe
Journalists @New Vision
2022 Zonal 5 BAL qualifiers
Egyazannyiddwa
CFB 72-88 City Oilers
COSPN 81-83 Matero Magic
KPA 69-84 Matero Magic
Cape Town 49-59 Urunani
Leero(Lwamukaaga)
City Oilers - Cape Town (South Africa)
Urunani (Burundi) - Ferroviario Beira (Mozambique)
Kiddiridde City Oilers okufuna wiini eyookusatu mu mpaka zino bwe yakubye CFB Ferroviario da Beira eya Mozambique 88-72, yasooka kumegga COSPN eya Madagascar (71-59) ne Matero Magic eya Zambia (83-73).
Francis Azolibe
Bali mu kibuga Cape Town ekya South Africa nga baakulembedde ekibinja F omwabadde; Ferroviario da Beira (Mozambique), Matero Magic (Zambia) ne COSPN (Madagascar).
Cape Town Tigers abategesi baamalidde mu kifo kyakubiri mu kibinja G oluvannyuma lw’okufuna wiini bbiri bwe baakubye NBA Academy (85-60) ne KPA (Kenya) 96-72 ate ne bakubwa Urunani (59-49).
Leero Lwamukaaga City Oilers ekomawo mu nsiike ya semi ng'ettunka ne Cape Town Tigers abategesi. Ttiimu ebbiri ezituuka ku fayinolo ze zeegatta ku Angola, Nigeria, Rwanda, Senegal ne Tunisia ezaayitawo obutereevu mu za BAL.