TV East eyungiddwa ku mukutu gwa StarTimes olwaleero
TV East , eyungiddwa ku mukutu gwa StarTimes okutandika ne leero era ng'omulabi agenda kuba agifunira ku Channel 483.
Derrick Wenani (ku kkono), Max Addi wakati ne Agnes Acheti maneja wa TV East ku ddyo
By Bukedde Omusunsuzi
Journalists @NewVision
Bya Godfrey Kigobero
TV East , eyungiddwa ku mukutu gwa StarTimes okutandika ne leero era ng'omulabi agenda kuba agifunira ku Channel 483.
TV east eyatandika emyaka ng'ebiri egiyise, nayo yeemu ku ttivi za kkampuni ya Vision Group omuli ne Bukedde era ng'eweereza abantu b'e Busoga omuli: Mbale , Sironko, Sebei, Teso , Bukedea, Soroti, Serere, Katakwi, Kaberamaido okutuukira ddala e Karamoja.
Kino kiddiridde okusaba kw'abantu ab'enjawulo mu bitundu ebyo, ababadde basubwa amawulire agabeerako mu nnimi ebbiri omuli; Olumasaaba n'Oluteeso wamu ne pulogulaamu endala ezizimba , nga kati okuva lw'egenze ku dikooda ya StarTimes, yaakwongera okulabibwa abantu bangi.
Omu ku bagikulira Max Adii, agambye nti omukutu gwa Star Times gwe gumu ku gisinga okwettanirwa abantu abangi , nga kino kibawadde essuubi mu mpeereza yaabwe nga batuusa ku muntu wa bulijjo ekyo kye yeetaaga.
Ate ye Manejawaayo Agnes Acheti, ategeezezza nga bwe waliwo ebirabo omuli; dikooda n'ebirala ebigenda okugambibwa kkampuni ya Vision Group n'eya StarTimes .