Amawulire
Ssentebe w'abaazirwanako akakasizza nga bwebataddewo enkola egenda okukyusa embeera y'abaazirwanako
SSENTEBE w'abazirwanako ku lukiiko lwa NRM olw'okuntikko, Lt Moses Mushabe ategeezezza nga bwebataddewo enkola empya ezigenda okuyamba abaazirwanako okubeera mu bulamu obweyagaza.
Ekifaananyi eky'awamu
By: Peter Ssaava, Journalists @New Vision
SSENTEBE w'abazirwanako ku lukiiko lwa NRM olw'okuntikko, Lt Moses Mushabe ategeezezza nga bwebataddewo enkola empya ezigenda okuyamba abaazirwanako okubeera mu bulamu obweyagaza.
Mushabe yasinzidde ku kitebe kya disitulikiti e Wakiso bweyabadde asisinkanye abamu ku baazirwanako mu Wakiso ssaako okubakunga mukawefube wa NRM ow'okunoonya akalulu ka Pulezidenti Museveni nju ku nju wansi kubyalo.
"Palamenti yayisa etteeka lya UPDF okulaba nga embeera z'abazirwanako zikyuka omuli okubawa omusaala, abalwanyi okugula ebintu ku miwendo gy'awansi, abalwanyi baatekebwawo ba looya b'obwerere abanaabaworeza ku bwerere nensonga endala." Mushabe bweyayongeddeko.
RDC ng'ayogera
Yannyonnyodde nti naabo abaazirwanako abaafuna obubenje mu kiseera ky'olutalo, bagenda kuba baweebwa akasiimo ate nga nabo abaawummula bwebafa, bagenda kuba bazikibwa mubitiibwa eby'amaanyi.
Mushabe yakunze abazirwanako okunonyeza Pulezidenti Museveni akalulu mu Buganda olwebyo bya bakoledde ssaako okulaba ng'okulonda kwa 2026 ekibiina kya NRM kiwangulira waggulu.
Yasubizza nti agenda kusisinkana abaazirwanako bano kumpi buli kiseera ssaako n'okulaba bwe bagenda okunoonya akalulu ka Pulezidenti Museveni naddala nga Museveni anonyamu akalulu nga January 5, 2026.
Ye RDC wa Wakiso, Justine Mbabazi yasabye abaazirwanako bonna okukunga bannaabwe nga babagazisa ekibiina kya NRM ssaako okufaayo okulaba nga babuulira enjiri y'empereza za Gavumenti eri abalala.
Akulira abaazirwanako ng'ayogera
Yasabye abaazirwanako okubeera bambega abasooka nga baloopa abalya enguzi mubitongole bya Gavumenti ekiretedde abantu obutafuna mpereza nnungi ate gye bikomekkerera nga bavumaganyizza Gavumenti.
Yanokoddeyo ebitongole okuli ekya NIRA, Poliisi, amalwaliro, amasomero nebirara bye yagambye nti abantu okubawa empereza basooka kubasaba ssente empitirivu eziremesa abamu okufuna empereza.
Abaazirwanako abaasobye mu 30 beyamye okunonyeza Pulezidenti Museveni akalulu ssaako n'okulaba nga abesimbyewo ku kaadi ya NRM kubifo ebirara nabo bawangulira waggulu.