‘Poliisi etuyambe ku ttemu ku ttemu erisusse’
ABAKULEMBEZE mu ggombolola y’e Muduuma balaajanidde RDC ne poliisi babayambe ku ttemu erisukkiridde mu ggombolola yaabwe nga lino lisibuka ku bibira ebiyitiridde.
Abamu ku batuuze n'abyebyokwerinda mu lukiiko.jpg
By Joanita Nangonzi
Journalists @New Vision
Bya Joanita Nangonzi
ABAKULEMBEZE mu ggombolola y’e Muduuma balaajanidde RDC ne poliisi babayambe ku ttemu erisukkiridde mu ggombolola yaabwe nga lino lisibuka ku bibira ebiyitiridde.
Bino bibadde mu lukiiko lw'ebyokwerinda ku ggombolola y’e Muduuma nga lwetabiddwaamu amyuka RDC w’e Mpigi ,abakulu mu poliisi awamu ne bassentebe okuva mu byalo eby’enjawulo.
Maria Kitimbo Lubega, amyuka RDC w’e Mpigi asabye abakulembeze by’ebyalo okukolaganira awamu ne poliisi okulwanyisa ettemu nga bafuba okukendeeza ku bibira, okwegendereza mu maka gaabwe n'okuloopa bebabeera beekengedde.
Ategeezezza nti poliisi egenda kukola ekisoboka kyonna okutema empenda ezinaayambako okulwanyisa abatemula ababodaboda n’abantu abalala.
Ye Moses Kakembo ssentebe we Gombolola ye Mpigi ategezezza nti balumbibwa nnyo abatemu n'obubbi bwa boodabooda ng'akati bafunye essuubi olw'olukiiko lw'ebyokwerinda nti wanabaawo enkyukakyuka.
Akuutidde abantu bo bennyini okusooka okwekuuma bakomye okucakala okukeesa obudde, baggalewo enzigi ,n’ebisolo babikuume nga ne poliisi bwebakuuma.
Francis Ssendyowa, kkansala owa LC.5 e mpigi ategeezezza nti buli lunaku babadde bafuna amawulire ng'omuntu atemuddwa naddala aba boodabooda be batemulira mu bibira n’asaba abakulembeze boogere ne banannyini bibira bakendeeze ku miti kiyambe okukendeeza ku ttemu.