Omuserikale akubye abantu babiri amasasi n'abatta naye poliisi n'emukuba
Bibadde Mbuya mu munisipaali y'e Nakawa mu Kampala ku ofiisi za Ultimate Security company, omuserikale Richard Mwaawa gy'akubidde bakozi banne babiri amasasi n'abatta.
Omuserikale akubye abantu babiri amasasi n'abatta naye poliisi n'emukuba
By Godfrey Kigobero
Journalists @New Vision
Ekikangabwa kigudde e Mbuya omuserikale w'ekitongole ky'obwannanyini, bw'akubye abantu babiri amasasi n'abatta naye poliisi n'emukuba n'emutta.
Bibadde Mbuya mu munisipaali y'e Nakawa mu Kampala ku ofiisi za Ultimate Security company, omuserikale Richard Mwaawa gy'akubidde bakozi banne babiri amasasi n'abatta.
Abattiddwa kuliko abadde amyuka akulira abakozi, Zella Noella, abadde akulira etterekero ly'emmundu Salez Bwampata.
Tekinnamanyika nsonga ki evuddeko omuserikale ono okuva mu mbeera okukuba banne amasasi n'abattira mu ofiisi.
Amyuka omwogezi wa poliisi mu Kampala n’emiriraano, Luke Owoyesigyire, agambye nti poliisi esobodde okwanguwa naye ne bamukuba amasasi wakati mu kumulagira yeweeyo n'agaana.