Omulimu gw'okuddaabiriza oluguudo lwe Busunju, Kiboga ne Hoima wamu ne Mityana okutuuka e Mubende guli mu ggiya

OMULIMU gw'okuddabiriiza  enguudo  okuli  oluva e Busunju- Kiboga -Hoima nga lukolebwa kkampuni ya   Abubaker Technical Services  wamu n'oluva e Mityana  okutuuka e Mubende olukolebwa  kkamouni ya  Energo Pjojekt  kwongeddwaamu amaanyi..
Omuwandiisi w'enkalakkalira mu minisitule y'ebyenguudo n'entambula ssaako n'omumyuka we  Barbra Namugambe ku Mmande  ya wiiki eno baalambudde enguudo zino  okwongera  okwetegereza  wa webatuuse mu kuzikola..
Wabula  Waiswa  Bageya  yasabye ba kontulakita ku nguudo zombiriri   boongeremu amaanyi   okuzisobozesea  okuggwa mu budde  obwabaweebwa  okusobozxesa   okutuukiriza  ebigendererwa byazo,

Ku kkono ye Barbra Namugambe omumyuka w'omuwandiisi w'enkalakkalira mu minisituke y'ebyenguudo n'entambula wamu he Waiswa Bageya omuwandiisi w'enkalakkalira mu minisitule mu kulambula omulimu ogukolebwa ku luguudo lwa Busunju-Kiboga

 Enguudo zino zombiriri zeezimu ku ziyunga ku nguudo eziri mu bitundu owagenda okusimbibwa  amafuta  mu Hoima. mu Bunyoro ate ng'omulimu gwengedde.
Enguudo zino okufaanako n;endala  okuli  Kira - Matuga, Matugga  - Ssentu- Kabeeka , Najjanjankubi- Busaabala, Nakawuka -Kasanje-Mpigi Mawuggulu, Nanziga- Maya -Nakiwogo  n'endala   ezibadde  zaakosebwa  olwa gavumenti okulwawo okusasula ba kontulakita.
Gen.Katumba Wamala minisita w'ebyenguudo n'entambula  agamba nti  oluvanytuma lwa kkampouni zino okusasulwa ssente eziggya mu mirimu gyebaakamaliririza okukola  nate baddamu okukola. .
Gen. Katumba mu  mu kulambula  enguudo zino zeezimu gyebuvuddeko  yasaba banannyini ttaka  eriba  litwaliddwaako obukugiro mu kuyisaamu enguudo baleme kubeera  bakambwe kuba bebasinga  okuganyulwa mu kkalaasi kuba  liba lyoyongedde ebbeeyi.