Ofiisi y’Obwapulezidenti ereese ttabamiruka ku nkolagana ya Uganda ne Bulaaya
OFIISI ya y’Obwapulezidenti ereese ttabamiruka akwata ku nsonga za Uganda n’ensi za Bulaaya kiyambeko okutumbula eby’ensuubuligana, okufuna bayinvesita n’okufunira Bannayuganda emirimu mu Bulaaya.
Amb. Abbey Walunsimbi ne Paul K. Jjuuko omutandisi wa ttabamiruka wa UEC..jpg
By Bukedde Omusunsuzi
Journalists @NewVision
Bya Wilson w. Ssemmanda
OFIISI ya y’Obwapulezidenti ereese ttabamiruka akwata ku nsonga za Uganda n’ensi za Bulaaya kiyambeko okutumbula eby’ensuubuligana, okufuna bayinvesita n’okufunira Bannayuganda emirimu mu Bulaaya.
Ttabamiruka ono eyatuumiddwa Uganda-European Convention (UEC) akulembeddwa ofiisi y’omuwabuzi wa Pulezidenti ku nsonga za Bannayuganda ababeera ebweru, Abbey Walusimbi nga lwakubaawo nga November 9, 2023.
Walusimbi bwe yabadde ayogera ku nteekateeka ya ttabamiruka ono yategeezezza nti ono y'omu ku kaweefube wa Pulezidenti Yoweri Museveni okugaggawaza abantu n’okubafunira emirimu, nga lwa kutunuulira nnyo okutumbula ebyobulimi ebivaamu ssente, amakolero, n’emirimu emirala egy’obuweereza obutakwatibwako ssaako ebyempuliziganya ne tekinologiya.
Yagambye nti basuubira bannamakolero abawera okuva mu Bulaaya abagenda okujja wano basige ssente mu kwongera omutindo oba okukola ebintu ebiwedde okuva mu bintu Uganda by’ekungula mu byobulimi n’obulunzi, olwo ebyamaguzi bya Uganda byongere okufuna akatale e Bulaaya kw’ossa okutumbula ebyobulambuzi n’obuvumbuzi.
Paul Kingsley Jjuuko, eyaleeta ekirowoozo ekya ttabamiruka ono yagambye nti kya kuyamba okutumbula enkolagana ya Bannayuganda n’amawanga ga Bulaaya eky’okuyamba ennyo mu biseera by’omu maaso.
Ttabamiruka ono waakutuula ku ofiisi y’Obwapulezidenti mu Kampala wansi w’omulamwa ogugamba nti, okutumbula okutandikawo emirimu n’obuvumbuzi.