Muwala w'omugenzi Mabirizi aweereddwa obwa Ambasada bwa Uganda e Granada

OMUBAKA w’e ggwanga lya Grenada mu Uganda omuggya ensi esangibwa mu bizinga ebyetolodde amambuka ga Amerika awaddeyo empapulaze mu butongole  mu minisitule y’amawanga eg’ebweru ne yeeyama nga bw’agenda okuyamba bannayuganda abaagala okugendayo okusoma obusawo okubakwatizaako.

Nambooze ne banne mu office ya Minisita Henry Okello Oryam

“Njagala okukakkasa bannayuganda abaabadde tebamaanyi zaabu gwe bafiirwa nga tebagenze mu ggwanga lya Grenada nti eno y’emu ku nsi esisangibwa mu bizinga ebyetolodde Amerika kyokka ng’ebyenjigiriza byayo bya mutindo gwa waggulu naddala mu masomo ga ssayansi omuli abasawo ne bannansi nga bw’osomerayo obeera ku katale ka wagulu okukoleera mu mawanga ag’amaanyi nga Amerika, Bungereza, Netherlands n’amalala” Omubaka wa Grenada mu Uganda Samalie Nambooze bweyategezezza

Nambooze awaddeyo empapula ze mu butongole leero era ng’empapula yazikwasizza minisita omubeezi Henry Olyemu owa minisitule y’amawanga ag’ebweru nga abadde aweerekeddwako kitaawe omuto Dick Kizito owa Kizito Towers, Omubaka wa Bufumbira East omulonde ate nga ye bba , Stuart Mabirizi Owa  Mabirizi Complex ,omugagga  King Ceasor Mulenga n’abalala.

Nambooze 35.  mu kiseera kino ye mubaka akikkirira eggwanga eddala mu Uganda asinga obuto Yagambye nti Uganda yegenda okusinga okufunamu kubanga Grenada emanyikiddwa nnyo mu by’obulambuzi era ng’agenda kufuba okulaba nga ensi zombi buli emu efunamu nga bakyalaganira.

Omwami wa Nambooze ng'abuuza ku minsita OKello Oryem

    “Grenada bantu baayo baddugavu, boogera lungereza nga kino kyakwanguyiza bannayuganda okugendayo basomereyo, basuubulira n’okulambula nga tebakalubiriziddwa lulimi wadde okusoosolwa olwa langi yabewe” Nambooze bweyategezezza

Ayongeddeko nti ekimu ku by’agenda okutandiikirako kwekulaba nga ennyonyi yaffe eya Uganda airlines ekkirizibwa okugendayo butereevu  okuva e Uganda nga kino kiggya kwanguya okutumbula eby’obulambuzi bwaffe amangu ddala ssaako n’okufunira ebirime byaffe akatale mu nsi eno kubanga nabo balimi wadde bye balima tebifaanagaana.

Omugagga Dick Kizito owa Kizito Towers, agambye nti Uganda nga bweri nti nayo eri nnyo mu by’obulambuzi abagagga banannyini woteeri za wano bagenda kukozesa omukisa guno okugendayo bayige biki bye balina okwongeramu mu woteeri zabwe.

    Stuart Mabirizi owa Mabirizi Complex agambye nti Nambooze agenda kubeera kya kulabirako ky’amaanyi eri abakyala n’abawala abakyali abato obutennyoma kubanga omusajja ky’asobola n’omukazi ekisobola nga ye nsonga lwaki eggwanga lya Grenada lyatadde obwesiige mu Nambooze ku myaka 35, gyokka ng’ate muwala.

Samalie Nambooze 35, yasomera Kampala Parents P/S, Seeta High Schools, Nadda e Nabisunsa ku S.6 gye yava ne yeegatta ku yunivasite ya MUBS e Nakawa gye yasomera diguli ya [procurement]

Nambooze ng'abuuza ku Minisita Henry Okello Oryem

     Minisita Olyemu agambye nti Grenada tugenda kweyongera okugifunamu nga tweyambisa Nambooze nga omubaka waabwe mu Uganda kubanga esangibwa mu North Amerika ng’ate bawomerwa nnyo emmere yaffe eya wano kubanga bo basinga kuliima birungo bya ‘Cinnamon’

       Oryemu agambye nti Grenada keefuuse munywanyi wa Uganda esobola nga n’okutuwagira ku biteeso byaffe ebimu mu lukiiko lw’e nsi yonna olwa ‘UN General Assembly’

      Yawadde Nambooze  amagezi nti engeri gye yakayingira omulimu gw’ekikungu guno afuneeyo omukugu abiruddemu amuyambeeko okuduukanya offiisi ye  Esangibwa ku Mabirizi Complex mu Kampala Polot, 47. kubanga ffenna ng’eggwanga Nambooze bw’akola obulungi tufunamu gattako okutumbula ekifaananyi kya Uganda ku maapu y’e nsi yonna.

     Yamusabye okukozesa omukisa guno ogw’e ggwanga lya Grenada lyakikkirira okusakkira Uganda mu nsi z’abazungu zonna okuli  American, Bungereza ne nsi ezibetolodde