Mmotoka egambibwa okuba enzibe ekwasizza 3 ababadde w'esimbiddwa mu paakingi

POLIISI e Wakiso ekutte abantu basatu okuli n'abakuumi mu paakingi, oluvannyuma lw'okusanga emmotoka enzibe ng'esimbiddwa mu kifo kye bakuuma e Kiteezi.

Emmotoka eno ekika kya Wish nnamba UBF 927J eyabadde ebbiddwa, okuva ku kyalo Ssenge e Naluvule ku luguudo olugenda e Hoima era nga yasangiddwa mu kifo awasimba emmotoka.

Kigambibwa nti nnyini yo bwe yali agivuga nga July 26, emmotoka yafunamu obuzibu n'agitwala e Katwe nti n'oluvannyuma makanika n'agimuddiza nti kyokka enkeera ne bagibba.

Omwogezi wa poliisi mu Kampala, Racheal Kawala, agambye nti bagizudde Kiteezi e Kasangati mu Wakiso , kwe kukwata abaserikale n'omuntu omulala omu wamu ne pikipiki egambibwa okuba enzibe

Mu kusooka Kawala ategeezezza nga bwe baakutte abantu 559 mu bikwekweto eby'enjawulo ebyakoleddwa mu wiiki ewedde ku bumenyi bw'amateeka .