Minisita Muyingo alabudde abagaba layinsinsi z'amasomero okufuba okuzekenneenya

AKOLANGA  Minisita w'ebyenjigiriza  Dr. JC Muyingo asabye abagaba layisinsi z’amatendekero okuzima ago  agatalina bisaanizo.

Okwogera muyingo abadde mu kufulumya bibuuzo by’abayizi abasoma obusawo n’ebyekuusa ku busawo  nga omukolo gubadde ofiisi ya ssabaminisita mu Kampala .

Ebibuuzo bino byatuulwa abayizi 89,663 mu matendekero  mu matendekero 223 okwetoolola eggwanga ku bano 75,577 bakyeyongerayo n’emisomo gyabwe (84.3%) naabakola ebyakamalirizo  baali 14,086 (15.7%) nga bino ebifulumye byabo abakola ebyakamalirizo .

Ssabawandiisi w’ekitongole ekibaga n’okugolola ebibuuzo by’abasawo ki Uganda Health Professionals Assessment Board (UHPAB) Hellen Mukakarisa Kataratambi ategeezeza nti ku bibuuzo by’omulundi guno abayizi ba satifikeeti baali 8,969 ate aba  dipulooma 5117 .Agamba  ku mulundi guno abasatifikeeti bakoze bulungi okusinga aba dipulooma 

Ssentebe w’ekitongole ki UHPAB Alfred Driwale ategeezeza nga bwe baleese tulansikuliputi  empya oluvanyuma lw’ebitongole okugattibwa nga eno yegenda okutandiika okufulumizibwa nga eno nyangu sinyangu ya kucupula .

Akolanga minisita w’ebyenjigiriza Dr.  JC Muyingo nga yabadde omugenyi omukulu yeebazizza abayizi okutuuka ku buwanguzi buno era nategeeza nti n’abayizi abettanidde amasomo g’obusawo n’ebyekuusa ku busawo bwebeeyongedde okusinga ku mwaka oguwedde .

Ategeezeza nti wadde guli gutyo amasomero omugenda abaana bano galina okuteekebwako akazito okulaba nga galina byonna ebyetaagisa okusomesa abaana nga teganaweebwa layisinsi kutandika kusomesa