Kitalo! Munnansi wa Togo afiiridde mu kabenje k'emmotoka e Masaka ku lw'e Mbarara!

Omuntu omu afiiridde mu kabenje akagudde e Kaganda ku luguudo oluva e Masaka okudda e Mbarara.

Akabenje, kabaddemu emmotoka nnamba UBA 525M Rav 4 ebadde edda Mbarara bw'etomereganye ne Fuso nnamba UBN 926 W ebadde edda e Masaka era omu ku babadde mu Rav 4 Kalu Sagna Kami Nouwat ow'eggwanga lya Togo, n'afiirawo ate ddereeva waayo Moses Mashate n'atwalibwa mu ddwaaliro e Masaka ng'ataawa. 

Rav 4 mwe yabadde yayambalaganye ne Fuso

Omwogezi wa poliisi mu greater Masaka Twaha Kasirye agambye nti walibaawo okuvugisa ekimama ku ddereeva wa Rav 4.

Ate kamunye nnamba UBN 114 V eremeredde ddereeva waayo n'egwa ne yeefuula emirundi egiwerako e Kaliisisozo ku 18  n'erumya abantu 8 nga bonna batuuze b'e Kyandaaza ne Byakabanda e Rakai.  Kasirye asabye abantu okuvuga n'obwegendereza kuba oluguudo lulongoosebwa. 

Kamunye eyeefudde.