Amawulire
Gwe baatutte mu loogi okwesanyusaamu abbye essimu ya 'kaasitoma' ng'amulanga kugaana kwambala 'kapiira'
Omukazi agambibwa okubba essimu ya Iphone ku musajja eyali amuguze okwesanyusaamu mu loogi agambye nti yakikola lwakuba ‘kaasitooma’ yagaana okwambala akapiira ka kalimpitawa, kyokka n’amukwanga 2,000/- zokka eza Uganfa, naye kwe kumwesasuza.
Gwe baatutte mu loogi okwesanyusaamu abbye essimu ya 'kaasitoma' ng'amulanga kugaana kwambala 'kapiira'
By: Margaret Zalwango, Journalist @New Vision
Omukazi agambibwa okubba essimu ya Iphone ku musajja eyali amuguze okwesanyusaamu mu loogi agambye nti yakikola lwakuba ‘kaasitooma’ yagaana okwambala akapiira ka kalimpitawa, kyokka n’amukwanga 2,000/- zokka eza Uganfa, naye kwe kumwesasuza.
Omukazi avunaanibwa ogw'okubba essimu
Ono yabba essimu ekika kya Iphone 12 eyali ebalirirwamu obukadde 6 kyokka n’agitunda emitwalo 50 zokka eza Uganda era baamusanga mu bbaala nga yeesanyusa
Agambye nti omusajja yamuwa 2,000/- naye kwe kusalawo abbe essimu. Byaliwo nga September 26,2026 mu Balintuma zzooni e Lubaga.
Abadde mu kkooti ya city hall mu Kampala n’asaba bamusonyiwe kubanga alina omwana ate ali lubuto. Omulamuzi amulagidde akomewo nga October 15,2026 amusalire ekibonerezo.