Eyaliko Minisita Nakiwala Kiyingi akubidde Gv't Omulanga okwongera obugabirizi mu nkambi z'ababundabunda

EYALIKO minisita w’abavubuka n’abaana,Frolence Nakiwala Kiyingi asabye gavumenti okwongera okukwasizaako ebitongole ebigabi by’obuyambi eri abantu ababundabunda.

Nakiwala okwogera bino yabadde mu kitundu kye Kilyandongo n’abakulembeze abalala bwebaabadde batutte ebikozesebwa eri ababubdabunda omwabadde emmere,engoye n’ebikozesebwa ebilala.

Abantu mu nkambi y'ababundabunda nga bafuna emmere

Ono yategeezezza nti ebikozesebwa bino byabawereddwa ekitongole kya Moslim Charity bw’atyo n’awanjagila gavumenti okusitukilamu ku nsonga eno nti kuba abantu bano oluusi basanga okusoomoozebwa okw’amanyi ku bikozesebwa mu bulamu bwa bulijjo.

Nakiwala yannyonyodde nti okuva gavumenti ya Amerika bweyayimiliza okugaba obuyambi eri abantu bano mu ggwanga  okusoomezebwa kweyongera gyebali kyokka n’asiima ekitongole kya Mosilm Charity olw’omulimu omulungi gwebaakoze nti kuba ababundabunda abaasobye mu 1000 beebaganyuddwa mu nteekateeka eno.

Mzee ng'afunye emmere

Akulira kkampu y’ababundabunda eya Kilyandongo refuge camp,Vicent Maluma yategeezezza nti balina abantu okuva mu nsi 15 nti wabula ekizibu kyebasinga okusanga ye mmere abantu bano gyebalya nti olumu n’amu bamanyi okulumba bannabwe ne babatta bw’atyo n’asiima obugabilizi obwabawereddwa.

Bbo abamu ku baafunye ebikozesebwa betwayogeddeko nabo baategezezza nti oluusi bamala ne wiiki ezili mu bbiri nga basiiba njala nti nga n’abamu batondoka ne bafa olw’embeera eno era ne basiima Nakiwala ne banne olw’enteekateeka eno