Eyalambuza Abalambuzi nga talina biwandiiko atuuyanidde mu kkooti
KKOOTI etandise okuwulira omusango oguvunaanibwa omusajja eyalambuza abalambuzi nga talina biwandiiko bimukkiriza kukola mulimu ogwo ekyaviirako omulambuzi omu okubulawo.
Michael Kijjambu
By Bukedde Omusunsuzi
Journalists @NewVision
KKOOTI etandise okuwulira omusango oguvunaanibwa omusajja eyalambuza abalambuzi nga talina biwandiiko bimukkiriza kukola mulimu ogwo ekyaviirako omulambuzi omu okubulawo
Michael Kijjambu 36 asimbiddwa mu maaso g'omulamuzi Ronald Kayizzi atandise okuwerennemba n'omusango gw'okubuzaawo munnansi wa Budaaki Isabela Sofia eyabula mu October wa 2015 nga negyebuli eno tamannyidwako mayitire.
Kijjambu omutuuze we Kansanga mu divizoni ye Makindye mu disitulikiti ye Kampala yagasimbaganye n'omulamuzi wa kkooti amusomedde omusango gw'okuddukanya omulimu gw'okulambuza abantu nga talina biwandiiko bimukkiriza era nga kino kyaviirako Sofia okubula wabula yagwegaanye.
Wabula oludda oluwaabi nga lukulembeddwamu omuwaabi wa gavumenti Joan Keeko ne Ivan Kyazze lwaleese omujulizi mu musango guno ayitibwa Stephen Nyabru nga akola nga omusirikale mu kitingole Kya Uganda world life authority.
Nyabru yategeezezza kkooti nti mu October wa 2015 enjega eno lweyatuukawo, Kijjambu yatwala amabalambuzi okwali Sofia ne banne okulambulula era nga baasooka mu Kidepo oluvannyuma n'ebeyongerayo ku Muchison Falls era olwembeera Sofia gyeyalimu yalabula Kijjambu obutamutwala.
Wano munnamateeka wa Kijjambu Goefrey Tulyamusiima yasabye kkooti ekkirizevokudda oluwaabi okubawa empaaba yalwo okusobola okweteekateeka nomujulizi omulala gebanaabeera balese.
Ne jebuli eno famile ya Sofia eggya mu Uganda nekwatagana wamu n'abobuyiza okunoonya ekituufu ekyatuuka ku muwala wabwe nga kati giweze emyaka 10 bukyanga abula.
Omusango gwayongezeddwayo okutuusa nga June 30,2025 okuddamu okuwuliriza omujulizi omulala mu musango guno