Ekibadde e Naguru nga minisita Kamuntu alambula ekitebe kya poliisi ekikulu

Minisita w'ensonga ez’omunda mu ggwanga, Polof. Ephraim Kamuntu alambudde ekitebe kya poliisi ekikulu e Naguru mu Kampala era n’asiima obukugu obwolesebwa mu nkola y'emirimu.

Ssaabaduumizi wa Poliisi (wakati), Abas Byakagaba ng'aliko by'awuliriza mu kulambuza minisita.

Ayaniriziddwa omuduumizi wa poliisi mu ggwanga, Abas Byakagaba era ne bamulambuza ebitongole eby’enjawulo omuli ICT, Field Force Unit, Forensic services, ekirwanyisa obutujju n'ennyumba z'abaserikale empya, eziri mu kuzimbibwa.

Kamuntu nga bamulaga ebidduka poliisi by'ekozesa mu kutambuza emirimu gyayo.

Oluvannyuma ayogeddeko eri baddayireketa n'abakulembeze ku mitendera egy’enjawulo n'alaga essanyu olw'enkulaakulana etuukiddwako mu poliisi.

Kamuntu nga bamunnyonnyola emirimu gy'abaserikale abakola mu tekinologiya n'ebirala

Yeeyamye okwongera okuyamba ku poliisi mu mirimu egy’enjawulo omuli okuziyiza obumenyi bw'amateeka n'okubulwanyisa, okwongera amaanyi mu nsula ne mu mbeera z'abaserikale ku mirimu n'ebirala.