Bye basinziddeko okuvunaana Nixon ku gw’okutta Kagezi

OFIISA wa poliisi, ‘Senior Superintendent of Police’, Nixon  Agasirwe asimbiddwa mu maaso g’omulamuzi wa kkooti e Nakawa  n’asomerwa omusango gw’okutta 
eyali omuwaabi wa Gavumenti,  Joan Kagezi.
Agasirwe eyali omuduumizi  w’ekibinja kya poliisi ekyali kikola  ebikwekweto  eby’enjawulo yasimbiddwa mu maaso g’omulamuzi  akulira kkooti y’e Nakawa, Esther  Nyadoi eggulo. Abadde amaze ennaku 26 mu  kaduukulu ka poliisi e Kireka 
gye babadde bamukuumira nga  bw’anoonyerezebwako.
Agasirwe yakwatibwa ku Lwoku

biri nga May 21, 2025 ku biragiro  bya dayirekita w’ekitongole kya  poliisi ekikessi, Brig. Chris Ddamulira oluvannyuma lw’omusibe  Daniel Kisekka Kiwanuka okuwa 
obujulizi nti, Nixon ye yabatuma  okutta Kagezi.
Kagezi yatemulwa March 30,  2015 e Kiwaatule okumpi n’akatale,  bwe yali adda mu maka ge. Yali ava  mu mmotoka ye kubaako by’agula  abatemu we baamukubira amasasi  mu maaso g’abaana be, be yali  atambula nabo.
Kigambibwa nti, Agasirwe ne  basajja be abalala abatannakwatibwa (amannya gasirikiddwa) baali  balondoola entambula za Kagezi  zonna era omu ku bo, essimu ye 
bwe baagirondoola nga beeyambisa tekinologiya, yalaga nga yali  mu kifo we battira Kagezi era yali  ayogerezeganya butereevu ne Agasirwe.
Agasirwe yatuusiddwa ku  kkooti e Nakawa ku ssaawa nnya  ez’oku makya wakati mu bukuumi  obw’amaanyi ng’ali mu mmotoka  ya poliisi eyabadde ewerekerwako 
kab ngali ya poliisi okwabadde abaserikale b’ekitongole ekirwanyisa  obutujju. Yabadde asibiddwa  empingu ku mikono ng’ayambadde  essaati y’ebikuubo n’engatto emmyuufu.
Baamutuusirizza mu kaduukulu ka kkooti n’oluvannyuma  n’asimbibwa mu maaso 
g’omulamuzi Nyadoi eyamusomedde omusango gw’okutemula  Kagezi kyokka  n’amutegeeza nti,  kkooti ye yabadde terina buyinza  buwulira musango gumuvunaanibwa kubanga gwa nnaggomola  ogulina okuwulirwa Kkooti Enkulu.
Oluvannyuma lw’okumusomera  omusango, Agasirwe, yasabye  kkooti erindeko bannamateeka be  abamuwolereza kubanga mu kkooti  tebaabaddewo.
Omusango guno gwakwasiddwa  abawaabi ba Gavumenti basatu  okuli; Richard Birivumbuka, Joseph  Kyomuhendo ne Doreen Erima. Birivumbuka yategeezezza kkooti  nti, okunoonyereza ku musango  guno tekunnaba kumalirizibwa ne 
basaba kkooti esindike Agasirwe ku  limanda mu kkomera e Luzira nga  bwe bamaliriza okunoonyereza kwe  baliko.
 Agasirwe yayongedde ne  yeemulugunya nti, bandimusomedde omusango guno nga  bannamateeka be weebali kubanga  mu kkooti baamuleeseewo nga  tebamanyi.
 Birivumbuka yamwanguyidde  n’amugamba nti, omutendera  gwe baliko tegwetaagisa nnyo  bannamateeka n’asaba Agasirwe  asindikibwe ku limanda bannamateeka be banaategeezebwa olunaku  lw’alikomezebwawo ne babeerawo.
 Omulamuzi Nyadoi yagambye 
Agasirwe nti, omusango ogumugguddwaako gwa nnaggomola tebayinza kulinda bannamateeka be,  bw’atyo n’asalawo okumusindika  ku limanda mu kkomera e Luziraokutuusa nga July, 8, 2025.
Okusinziira ku ludda oluwaabi  olwa Gavumenti, kigambibwa nti,  Agasirwe ne banne abalala nga  March, 30, 2015 e Kiwaatule –  Nakawa mu Kampala, mu ngeri 
ey’ettima baavaako okufa kwa  Kagezi.
Omumyuka w’omwogezi wa offi isi ya Ssaabawaabi wa gavumenti,  Irene Nakimbugwe, yategeezezza  nti, tebannamaliriza kunoonyereza  ku musango guno wabula baafunye  omujulizi omulala ku basibe abali  ku musango eyabawadde obujulizi 
era bagenda kufuba okulaba nga  omusango bagugoberera bulungi  okutuusa gye gunaggweera.
Yagambye nti, okunoonyereza  kwabwe kukyagenda mu maaso era  fayiro nzigule okugattamu obujulizi obulala bwonna bwe basobola  okufuna.
Fayiro y’omusango gw’okutta  Kagezi eriko abasibe bana okuli;  Daniel Kiwanuka Kisekka eyafuuse  omujulizi wa Gavumenti, John  Kibuuka oluusi eyeeyita Musa, 
John Masajjage oluusi eyeeyita  Brian Mubiru ne Nasur Abudallah 
Mugonole.
Kiwanuka yategeeza omuwaabi w’emisango gya Gavumenti  omukulu, Jane Frances Abodo,  nti, Kibuuka ye yamugamba nti,  omuntu eyabapangisa okutta  Kagezi ye Nixon era yali atambulira  mu mmotoka ya Gavumenti.
Abasibe abaasooka, fayiro  yaabwe yatwalibwa mu kkooti ya  International Crimes Division (ICD)  e Kololo mu maaso g’abalamuzi ba  Michael Elubu, Stephen Mubiru, 
Dr. Winfred Nyondo Nabisinde ne  Celia Nagawa. Era omu ku bajulizi era muwala   w’omugenzi, Carol Namugambe  Kagezi bwe yali awa obujulizi mu 
kkooti yategeeza nti, bwe baamala okutta maama we, waliwo  omusajja ayajja n’amutunulako  n’amwetegereza naye bwe 
yamubuuza lwaki amutunuulira nnyo teyamunyega n’avaawo 
n’agenda