Abawanguzi ba Bride and Groom basambira nnyuma nga jjanzi

Abawanguzi bana (4) abajjumbira ennyo omwoleso guno be babuuse masejjere n’ebirabo eby’enjawulo omubadde empeta, gawuni, eby’okwewunda eby’obwereere n’ekifo aw’okuwummulira ku bwereere.

Jackie ne David abaafunye empeta

Abawanguzi abaanyweddemu bannaabwe akendo kwabaddeko, James Kintu ne Olivia Okiror abaakutte ekisooka, mu kyokubiri mwabaddemu David Tebandeke ne Jackie Nalumansi, mu kifo ekyokusatu mwabaddemu Joel Tebandeke ne Phionah Uzamukunda ate mu Kyokuna ne mubaamu Dezideranta ne Paul.

Olivia ne James abaawangudde gawuni n'okubateekerateekera omukolo

Omukolo guno gwayindidde ku kitebe kya Vision Group ekikulu mu Industrial Area, Kampala era nga abaaguddukunyizza kwabaddeko akulira ebivvulu mu kkampuni eno (Events manager), Fiona Tamale  n’omulabirizi w’abavujjirizi b’ensimbi (Sponsorship supervisor), Conrad Bukonyezi.

Paul ne munne baawangudde eby'okwewunda

Abaataddemu ensimbi mu mukolo kwabaddeko aba Bella wine, Signature Jewellery, Bridal World, SR Afro Kuku, Stress free Serene  events, n’aba Ashilyz and beats by Deryk.

Fiona Tamale, akulira ebivvulu mu kkampuni ya Vision Group

Bukonyezi ng'aliko by'annyonnyola

Owa Bella's Wine naye yabaddeyo