Abasuubuzi beetemyemu ku ky'okuggulawo amaduuka
Apr 20, 2024
Abasuubuzi bakyetemyeemu ku ky'okuggulawo amaduuka gaabwe ng'abamu baagala okigira nga balindako okukikola,ate abalala ne bakkaanya okuggulawo.
Amaduuka
Kigongo Moses
Journalist @Bukedde
Abasuubuzi bakyetemyeemu ku ky'okuggulawo amaduuka gaabwe ng'abamu baagala okigira nga balindako okukikola,ate abalala ne bakkaanya okuggulawo.
Kino kiddiridde pulezidenti Museveni okusisinkana abakulembeze baabwe eggulo ku Lwokutaano ne bakkaanya ku ky'okuggulawo amadduuka gaabwe , oluvanyuma lw'okuyimiriza ebikwekweto ku nkola ya EFRIS wamu n'okugyawo engassi zonna URA zeebadde yabawa olw'okulemererwa okugyeeyambisa.
Ono era yasuubizza okuddamu okusisinkana abasuubuzi bonna nga 7 May 2024, oluvanyuma lwookusisinkana akakiiko ak'ebyekikugu okuli URA ne minisitule y'ebyensimbi ,akole okusalawo okwenkomeredde kunsonga y'okugyawo EFRIS gye baabadde baagala.
Oluvannyuma lw'ensisinkano eno, abasuubuzi betemyemu ng'abamu baagala okusigala nga bagaddewo amadduuka gaabwe okutuusa nga pulezidenti azzeemu okubasisinkana wamu n'okubawa ekyenkomeredde mu buwandiike kunsonga ze beemuligunyizaako.
Ebintu bya pulezidenti biteekeddwa okubeerako obuwandiike okweewala okutuwuddiisa era ne bwekiba kyetaagisa kulinda paka nga 7 May tugya kukikola tulyooke tuggulewo amadduuka," bwatyo Jalia Nakalema ,omu ku abasuubuzi be ngoye okuva mu kibiina kya UATEA bwe yategeezeza.
Wabula abaawagira okiggulawo abaakulembeddwa Issah Ssekito ,omwogezi wa KACITA ne Francis Ddamulira omuwandiisi wa KAAFO,bategeezeza nti bakugondera okusamba kwa pulezidenti , oluvanyuma lwokugira ng'akoze ku bimu ku bye baabadde bamisabye naddala ekyookuyimiriza ebikwekweeto bya EFRIS n'engassi.
Mukiseera kino abamu ku basuubuzi bagguddewo amadduuka gaabwe,ate abalala bakyaagaanye nga balinda abakulembeze baabwe okubabbuulira ebiddako.
Era muntekateeka eno KACITA yakwoogerako eri olukiiko lwa banamawulire ku ssaawa taano ez'okummakya kunsonga zino.
No Comment