ABANTU babiri abagambibwa okwenyigira mu bubbi bw'ente n'ebisolo e Kajjansi

ABANTU babiri abagambibwa okwenyigira mu bubbi bw'ente n'ebisolo ebirala, bakwatiddwa poliisi e Kajjansi.

Abakwatiddwa, kuliko Muzafaru Kiberu 25 ne Jimmy Katto 48 nga mutuuze w'e Kitende. Waliwo ente enzirigavu egambibwa okuba enzibe gye basanze munda mu geeti mu Canana Estate mu Kitende B cell e Kajjansi.

Mu ngeri y'emu era, waliwo amatundubaali agabadde gasaabaanye omusaayi n'obusa bw'ente , agazuuliddwa okuva mu kifo ekyo ne gatwalibwa okuyambako mu kunoonyereza.

Okubakwata, kidiridde okubaako aloopera poliisi nga bwe wabaddewo abatambuliza ente mu mmotoka ya Ipsum ne bagiyingiza mu Canan Estate , gye bazibaagira nti olwo ennyama ne bagissa ku boda boda okugitambuza.

Omwogezi wa poliisi mu Kampala Patrick Onyango, agambye nti bayambiddwako  ssentebe wa LC1 mu kitundu ekyo, okubanyweza