Abagambibwa okubeera abamenyi b'amateeka bayooleddwa

Mu kaweefube w'okwongera okulwanyisa obumenyi bw'amateeka mu Kampala Mukono ne Wakiso, abagambibwa okuba abakyamu 100, bayooleddwa mu bikwekweto eby'enjawulo.

Ebikwekweto bino, bikoleddwa poliisi ne UPDF mu bitundu omuli Najjeera , Bulindo, Shimon ne ghetto ezenjawulo mu munisipaali y'e Kira era ng'eyo bakutteyo 30 n'ebigambibwa okuba enjaga.

Abagambibwa okubeera abamenyi b'amateeka

Ate ku William Street, Wilson, rd , Top Pub, Nakasero, Old Taxi park , Cooper Complex ne Shoprite, bebayodde bali 60 era nga batwaliddwa ku CPS mu Kampala, era nga kigambibwa nti babasanze n'ebintu ebiwerako omuli enjaga n'ebyuma ebimenya amayumba.

E Mukono  ebikwekweto biyindidde Kiwala mu Ggombolola y'e  Nama nga 9 bakwatiddwa n'ebyuma ebimenya wamu n'ebyo ebigambibwa okuba ebibbe, ng'amyuka omwogezi wa poliisi mu Kampala Lule Oweyesigyire, bw'annyonnyola.