ABAAKULIDDEMU okulonda  babiri bakwatiddwa mu Busoga

ABAAKULIDDEMU okulonda  babiri bakwatiddwa mu Busoga East olw'emivuyo egigambibwa okwetobeka mu bululu.

Busoga East, akoleddwa disitulikiti omuli Iganga, Mayuge, Bugiri, Namutumba , Bugweri ne Namayingo.

E Bugiri, poliisi ekutte Antony Tannaziraba eyakuliddemu okulondesa e Kasooba C/U polling stn, ku bigambibwa nti yasangiddwa ng'akyusa ebyabadde bivudde mu kubala obululu.

Omulala ye Ronald Lukungu gwe bakwatidde e Nsoobani hill e Iganga ku bigambibwa nti yagaanyi okukozesa obuuma bwa BVVK.

Omwogezi wa poliisi mu kitundu ekyo , Micheal Kasadha, ategeezezza nti waliwo n'emivuyo egiwerako gye banoonyerezaako nga n'abamu ku bantu, baatuusiddwako ebisago. Agasseeko nti waliwo n'obutabo bw'obululu, obwabbiddwa