Aba UBOS bawabudde Gavumenti ku Parish Development Model

EKITONGOLE ekivunaanyizibwa ku kubala abantu n’okusengeka ebiti mwe bagwa, kiwabudde gavumenti nti yandibadde esooka kumanya omuwendo gw’abantu abali mu bwavu nga tennaba kuteeka ssente ku miruka mu nkola ya Parish Development Model, kubanga ekigendererwa kiyinza obutatuukirira.
Bino byayogeddwa akulira ekitongole kino ekya Uganda Bureau of Staistics (UBS), Chris Mukiza bwe yabadde mu lukuhhaana lwa bannamawulire olwabadde ku ofiisi z’ekitongole kino ezisangibwa ku kizimbe kya Statistics House mu Kampala.
Mukiza yagambye nti Parish Development Model nkola nnungi esobola okuyamba abantu abaavu ennyo okwenunula ne bafuna ku ssente, nga beenyigira mu mirimu, kyokka kibadde kisaana gavumenti esooke emanye omuwendo gw’abantu abakolerera olubuto lwokka nga tennaba kusaasaanya ssente mu bantu.
Wabula Mukiiza yategeezezza nti, Bannabyabufuzi tebaabawuliriza, ne batandika okukola ebibiina bya SACCO ku miruka, kye yagambye nti kiyinza obutaggyaayo bulungi kigendererwa kya gavumenti nga abanaku bangi bandirekebwa ebweru.
Ku by’enfuna by’eggwanga Mukiiza yagambye nti byongedde okukula, era Uganda kati eri mu nsi eziri yaddeyaddeko mu by’enfuna. Yatangaazizza nti embeera y’obwavu obuli mu bantu n’ebbeeyi y’ebintu eyeekanamye tekitegeeza nti eggwanga liri bubi, n’awa eky’okulabirako nti ne mu America emiwendo gy’ebintu giri waggulu wadde nsi ngagga nnyo.
Yasabye gavumenti okufuba okulaba nga Bannayuganda abali obubi ereeta Pulojekiti ezibabbulula, kubanga wadde eby’enfuna bikuze naye ssente zikyali mu bantu batono ekireetawo obwetaavu bw’okusika n’abakyasig