Amawulire
Aba 'Muhoozi Army' basabye Pulezidenti Museveni amuwummuze mu magye yeesogge eby'obufuzi
ABAVUBUKA ba NRM abawagira Gen. Muhoozi Kainerugaba bamukoledde akabaga k’okumukulisa okutuuka ku ddaala lya Genero omujjuvu kyokka ne basaba Pulezidenti Museveni amuwummuze mu magye ayingire eby’obufuzi.
Aba 'Muhoozi Army' basabye Pulezidenti Museveni amuwummuze mu magye yeesogge eby'obufuzi
By: Hannington Nkalubo, Journalists @New Vision
“Tubwagala ku bwa pulezidenti bwa ggwanga. Awumule amagye avuganye ku bwa pulezidenti. Ffe gwetuwagira adde mu bigere bya Pulezidenti Museveni” Villey Agaba ne banne bwe baagambye. Baasaze keeki emusiima ne bakolereza n’omusubbaawa okulaga ebiseera by’eggwanga eby’omu maaso. Baakung'anidde ku mu kibangirizi ky’Ameefuga okumpi ne Sheraton ku Lwomukaaga.
Beegattira mu kibiina kye bayita 'The Original Muhoozi Army' ekikulemberwa abavubuka abenjawulo okuva mu bitundu by’eggwanga ebyenjawulo okuli; Bob Kagoro, Kato Sserusiba , Villey Agaba n’abalala.
Baasabye aba NRM bonna gye bali babawagire nabo eggwanga lyongere okubeeramu emirembe nga egimaze ebbanga nga Pulezidenti Museveni y’afuga.
