Aba Esseza Foundation badduukiridde omuwala eyafunira olubuto mu muggalo bba n'amupangisiza akazigo n'amala n'amuddukako
Ekibiina ekiyamba abalwadde ba Kkansa ekya Esseza Foundation e Magere Kasangati kiwadde omuwala wa P6 eyafunira olubuto mu muggalo ebintu ebikozesebwa oluvannyuma lwa muganziwe okumuddukako n'amuleka mu bbanga .
Annie Katuregye, akulira Essaza Foundation ng'awaayo ebintu eri omuwala ne nnyina bibayambeko
By Sarah Zawedde
Journalists @New Vision
Rashidah Nanangwe (13) yali asoma P6 mu Kireku P/S e Bweyogerere , omuvubuka gw'amanyiiko erya Rashid, kondakita wa takisi namulimbalimba okumuwasa n’amubuzaawo ku bakaddebe namutwala mu kazigo e Bweyogerere gye yamala naye emyezi ebiri nga mukozesa oluvannyuma namuddukako nga ali lubuto
Annie Katuregye akulira ekibiina kino yagambye nti yabadde ku luguudo ng’asondera abaana abalala abalina ebizibu ebirala obuyambi, n'alaba Hijrah Namuyinda ng'ali ne muwala we Nanangwe ng'akaaba nti tebalina buyambi na ntambula ebatuusa ewa Bakuli kwe kubabudaabuda .
Yabafunidde entambula oluvannyuma yabafunudde n'ebikozesebwa mu kuzaala omuli engoye , essuuka z'abakulu n’abaana, omufaliso, bbulangiti .omuceere , obuwunga ,sukaali n'ebirala batandikireko bye yabakwasizza mu makaage .
Namuyinda nga ye maama wa Nanangwe yagambye nti amaze emyezi munaana nga amunoonya tamulabako okutuusa omuntu gw'atamanyi bwe yamukubidde essimu wiiki eno ng’amugamba nti alindirire muwala we e Bukoto .
Sarah Akampulira ng'annyonnyola
Yagambye nti yagenze okumutuukako nga yenna alabika bubi ali mu kateeteeyi akamutippye n'amutegeeza nga bw'abadde asula mu mikwano gye kubanga muganziwe yamusuulawo.
Nanangwe yagambye nti muganzi we bwe yategeera nti ali lubuto yamusalira amagezi n'amuwa 5000/= okugenda mu ddwaliro abasawo bamwekebejje kyokka yagenda okudda mu kazigo kaabwe nga muganzi we yasibyemu dda ebintu bye byonna n'abulawo .
Sarah Akampulira babuzeabuze Namuyinda ne muwalawe n'amusaba obutamutulugunya wabula amuleke azaale oluvannyuma addeyo asome oba okufuna kyakola .