UPDF yaraganisa okushagika n'okugumizamu nibaheereza President Museveni

N'ebya Omushaki Waitu

KABALE:

President Yoweri Kaguta Museveni eriizooba yakurira emikoro y’okujaguza emyaka 45 ya Tarehe Sita, kwiha amahe ga National Resistance Army gaza omubwebembezi kwiha ebiro 26.1.1986.

Emikoro y’eihanga yakorerwa ahakishaayi ekya Kabale National Teacher’s College omu district ya Kabale.

UPDF yaraganisa okushagika n'okugumizamu nibaheereza President Museveni...(PPU Photo)

Arikugamba eby’abaireho amahe gatakasingwire orugamba, President Museveni yaagira ngu okugamba ahari Tarehe Sita kwonka tikirikumara omubyafayo bya Uganda, agumize ngu haine ebizibu ebi amahe garabiremu omurutaro oru.

President yaagira amahe ga NRA gakazahura eihanga kandi ninka oku nyina omuntu tashemereirwe kwebwa oihireho obwire oburikuba burabireho.

UPDF yaraganisa okushagika n'okugumizamu nibaheereza President Museveni...(PPU Photo)

Museveni yaagira ngu amahe ga UPDF garetsireho obusingye n’obugwagye kandi ekihwereire eihanga okutunguuka omuby’emishuuburo n’omushoro ogurikurundanwa.

UPDF yaraganisa okushagika n'okugumizamu nibaheereza President Museveni...(PPU Photo)

Hoona President Museveni yashoborora omugasho gw’enkwatanisa omukigombe ekirikugaita amahanga ga EA agumize ngu nikureetaho eby’okwerinda n’entunguuka omuby’esente n’entaasya.

UPDF yaraganisa okushagika n'okugumizamu nibaheereza President Museveni...(PPU Photo)

Omubutumwa bwe, Mukuru w’amahe, Gen Kainerugaba yahamya obwesigwa bw’amahe ga UPDF omuri President YKM, ori omuduumizi mukuru w’amahe g’eihanga bwanyima y’okusinga akaruuru.

UPDF yaraganisa okushagika n'okugumizamu nibaheereza President Museveni...(PPU Photo)

Ogu yaraganisa ngu amahe nigaija kugumizamu nigakorera President omuncuro ye eya 2026-2031.