UPDF etoorainwe abajwekyerwa 10 b’amahe omu Paramenti ya 12.

N’ebya Omushaki weitu

KAMPALA

Ekitongore ky’amahe ga UPDF kurabiro omu kakiiko kakyo ak'eby'oburuuru nyomwabazyo ebiro 28.01.2026 kateerize akaruuru k’okutoorana abajwekyerwa 10 b'amahe omu Paramenti y’omurundi gwa 12.

Omu batoorainwe harimu; Lt. Gen. Sam Okiding- ori omuhwezi wa mukuru w'amahe g'eihanga, Lt. Gen. Sam Kavuma- omuhwezi w'omushuganisa wa puroguraamu ya Operation wealth creation, Lt. Gen. James Mugira- mukuru w’ekitongore ekya National Enterprise Corporation, Maj Gen Henry Matsiko- omushuganisa w’eby’obutegyeki omu kitongore ky’amahe hamwe na Maj Gen James Kinalwa- Orikukurira enshonga zabakozi.

Abandi ni Maj. Gen. Joseph Semwanga- omuhwezi w'omudumizi w’amahe g’ah’eitaka, Brig. Gen. David Gonyi- mukuru w'ekitongore ky’amahe g’omu mwanya, Col Night Ikiriza- omuserukare wa SFC, Col Sylivia Meeme owa military police hamwe na Col Christine Nekesa ow’omu kitongore ky’amahe eky’ebyegyenda zomu mwanya.

Abanagirwe barimu abo abakozire encuro zirikurenga 2 kandi aba barimu Gen. David Muhoozi, Gen. Edward Katumba Wamala, Gen. Wilson Mbadi, Lt. Gen. Peter Elwelu, Brig. Charity Bainababo hamwe na Lt. Col. Dr Jennifer Alanyo.

Oihireho omucwe ogwa kare ahi mukuru w'amahe g’eihanga nawe abaire naaba atereriirwe akaruuru kujwekyera amahe omu Paramenti, hati mukuru w’amahe g’eihanga oruho hati, Gen Muhoozi Kainerugaba tari aharukarara rw’abaserukare abatoorainwe kujwekyera amahe omu Paramenti y’omurundi gwa 12.

#WestUpdates