Tayebwa, abany’eishengyero bashwijuma omurimo oguriyo nigukorwa aharutindo rwa Katonga

Tayebwa, abany’eishengyero bashwijuma omurimo oguriyo nigukorwa aharutindo rwa Katonga

N’ebya Omushaki Waitu

Omuhwezi wa Sipiika w’eishengyero, Thomas Tayebwa eriizooba yayebembera tiimu y’abany’eishengyero kushwijuma omurimo oguriyo nigukorwa aharutindo orwa Katonga ahanguuto nyeigyendwa eya Kampala-Masaka.

Tayebwa yaayaakiirwa mukuru w’ekitongore ky’eby’enguuto ekya UNRA, Allen Kagin ana tiimu ye.

Obwo ashendekyereezibwe abany’eishengyero, Tayebwa naija kurambura n’omurimo oguriyo nigukorwa ahanguuto eya Busega-Mpigi, nk’omuringo gumwe ogwa paramenti kushwijuma puroguraamu za gavumenti.

Kurugiirira ahari UNRA, bakozireho kihango okuhunduuza orutindo rwa Katonga.

Omukwakatano 2023, UNRA ekemereza emotoka empango okukozesa orutindo rwa Katonga  bwanyima y’emyegyemure kubaganisamu orubaju rumwe rw’orutindo oru bwanyima y’omugyera gwa Katonga kwijurirana amaizi.

#WestUpdates